ایرانین انرگئتیکا ناظری عباس علی‌آبادی و آذربایجانین باش ناظرینین معاونی شاهین مصطفی‌یئو آراسیندا گؤروش کئچیریلیب.

Axar.az خبر وئریر کی، بو باره‌ده ایران انرگتیکا ناظرلییندن معلومات وئریلیب.

گؤروشده طرفلر ایکی طرف‌لی علاقه‌لرین گوجلندیریلمه‌سینین، انرژی، سو و اینفراستروکتور لایحه‌لری ساحه‌لرینده موجود امکانلاردان استفادنین واجیبلیینی وورغولاییبلار.

«ایکی اؤلکه آراسیندا علاقه‌لرین انکشافی اوچون بؤیوک پوتنسیال وار و هر ایکی طرف بو امکانلاردان ماکسیموم استفاده ائتمه‌لیدیر. ایران و آذربایجان خالقلاری آراسین‌دا قارداشلیق حسی بیرگه لایحه‌لرین اوغورلا ایر‌لیله‌مه‌سی اوچون دیرلی دستکدیر»، - علی‌آبادی دئییب.

شاهین مصطفی‌یئو ده بیرگه لایحه‌لرین اوغورلا باشا چاتاجاغینا امین اولدوغونو بیلدیریب:

«بیز بؤیوک بیر هیئتله ایرانا سفر ائتمیشیک کی، بو دا علاقه‌لریمیزی گوجلندیرمکده عزم‌یمیزی گؤستریر. موجود پوتنسیالی نظره آلاراق، بیرگه لایحه‌لرین اوغورلا باشا چاتاجاغینا امینیک».