افغانیستان-پاکستان سرحدین‌ده یئنه دؤیوشلر اولوب. طرفلر بیر-بیرینین اراضی‌سینی آرتیلرییا آتشینه توتوبلار. دؤیوشلرده حربی طیاره‌لردن ده استفاده ائدیلیب. طالبان پاکستان حربی طیاره‌لرینین افغانستانین هوا ساحه‌سینی پوزدوغونو ادعا ائدیر. هر ایکی طرفدن اؤلن و یارالانانلار وار.

Axar.az خبر وئریر کی، بو سؤزلری پولیتولوگ الخان شاهین اوغلو قید ائدیب.

اونون سؤزلرینه گؤره، ایل عرضین‌ده ایکی اؤلکه آراسیندا مختلف سلاحلی توققوشمالار باش وئریر و بو زمان اونلارلا حربچی هلاک اولور:

«طالبان افقانستان‌دا حاکمیته گلدیکدن سونرا پاکستانلا مناسبتلرده گرگینلیک یاشاییر. حالبوکی واختیله طالبانین یارانماسین‌دا پاکستانین رولو اولوب. آنجاق افغانیستان اراضی‌سین‌ده‌کی «پاکستان طالبانی» (تحریک پاکستان) آدلانان سلاحلی گروپ پاکستانین سرحد منتقلرینه هجوملار تشکیل ائدیر. بو زمان پاکستان افغانیستان اراضی‌سین‌ده‌کی همین قوه‌لرین یئرلشمه یئرلرینه ضربه‌لر ائندیریر.

گرگین‌لییی آرتیران سبب ایکی اؤلکه آراسیندا سرحدین غیری-معین‌لییی‌دیر. ۲۶۷۰ کیلومتر اوزونلوغونداکی سرحدی ۱۸۹۳-جو ایلده اینگیلیس مستملکه‌چیلری معینلشدیریبلر. افغانیستان «دوراند خطی» آدلانان سرحدی رسمی اولاراق تانیمیر. بو ایسه اؤز نوبه‌سین‌ده گرگینلییه سبب اولور. پاکستان سرحدی کئچمه‌یه چالیشان مختلف سلاحلی گروپلارا ضربه ائندیره‌نده طالبان بونو افغانیستان اراضی‌سینه هجوم کیمی قیمتلندیریر و جواب ضربه‌لری ائندیریر. طالبان دؤیوشچولری پاکستان اراضی‌سینده موختلف پوستلاری اله کئچیره‌ن‌ده بونو قونشو اؤلکه‌نین اراضی‌سی کیمی قیمتلندیرمیر.

افغانستانلا پاکستان آراسین‌دا لوکال سلاحلی توققوشمالار بؤیوک محاربه‌یه سبب اولماسا دا، بؤلگه‌ده گرگین‌لیک اوجاغی یارادیر. پاکستان-افغانیستان گرگین‌لییی ان چوخ پکینی ناراحات ائدیر. چونکی چینین هم پاکستانا، هم ده افغانیستانا یاتیریملاری موجوددور. پاکستان-افغانستان گرگین‌لییی بو ایکی اؤلکه‌نی احاطه ائد‌ن مختلف رگیونال لایحه‌لره ده تهلوکه یارادیر».

پولیتولوگ وورغولاییب کی، افغانستانلا پاکستان آراسین‌دا سرحد معینلشمه‌یه‌نه قدر گرگینلیک آزالمایاجاق:

«سرحدین معینلشمه‌سی اوچون ایسه ایکی‌طرف‌لی کمیسیا فورمالاشمالی‌دیر. پروبلم اوندادیر کی، بؤلگه‌نین دیگر اؤلکه‌لری آراسین‌دا دا داغلیق حصه‌لردن کئچه‌ن سرحدلر دقیق معینلشمه‌ییب».