آمریکا مرکزی کوماندانلیغینین (جسئنتکوم) کوماندانی برئد کوپرین اؤتن گون آذربایجانا سفری و مدافعه ناظری ذاکر حسنوولا گؤروشمه‌سی اولدوقجا مهم حادثه‌دیر. سفرین خصوصیله روسیانین آذربایجان‌دا دولت چئوریلیشی حاضرلاماسینین افشا اولونماسی ایله تخمیناً عینی واختا دوشمه‌سی ده ماراقلیدیر. گؤرونن بودور کی، سئنتکوم-اون یئنی کوماندانی برئد کوپر بو سفری ایله فاکتیکی اولاراق آذربایجانین یانیندا اولدوغونو نمایش ائتدیریب.

Axar.az خبر وئریر کی، بو باره‌ده پولیتولوگ حیدر اوغوز بیلدیریب.

«ذاکیر حسنوولا گؤروشله باغلی یاییلان رسمی معلومات‌دا بیلدیریلیب: «گؤروشده آذربایجان ایله آمریکا آراسیندا حربی امکداشلیغین یئنی پرسپکتیولری مذاکره اولونوب». بو ایسه او دئمک‌دیر کی، آذربایجانلا آمریکا آراسیندا حربی امکداشلیقلار گئتدیجه داها دا گئنیشلندیریله‌جک.

قید ائدک کی، سنتکوم آمریکا حربی ناظرلیینین ۱۱ واحد دؤیوش کوماندانلیغیندان بیریدیر و بلکه ده ان گوجلو اولانی‌دیر. سنتکوم-اون نظارت دایره‌سینه یاخین شرق‌دن افغانیستانا و اورتا آسیایا قدر گئنیش اراضیلر داخل‌دیر.

پرزیدنت الهام علیئوین ۲ هفته اول قبله‌ده کئچیریلن تورک لیدرلرینین ۱۲-جی زیروه گؤروشونده اورتاق تعلیملرله باغلی بیاناتیندان سونرا برد کوپرین باکی‌یا سفر ائتمه‌سی ده دقته شایاندیر. ندن کی، جنوبی قفقاز و خصوصیله ده اورتا آسیا کوپرین رهبری ائتدیی سنتکوم-اون بیرباشا ماراق دایره‌سینه داخلدیر.