ارمنستان ایسه دوزگون نتیجه چیخارا بیلمه‌میشدیر و ایکینجی قاراباغ محاربه‌سی عرفه‌سینده داها دا آزغینلاشمیشدی، بیزه قارشی یئنی اراضی ادعالاری ایله چیخیش ائتمه‌یه باشلامیشدی.

Axar.az خبر وئریر کی، بو سؤزلری پرزیدنت ایلهام علیئو وطن محاربه‌سینده غلبه‌نین بئشینجی ایلدؤنومونه حصر اولونموش حربی پاراددا چیخیشی زامانی بیلدیریب.

دولت باشچیسی بیلدیریب کی، اونلار بیزی یئنی محاربه ایله هده‌له‌ییردیلر:

«حتی دئییردیلر کی، اونلار یئنی تورپاقلار اوغروندا یئنی محاربه آپاراجاقلار و آذربایجانی تام اشغال ائد‌جکلر. دئییردیلر کی، اونلارین تانکلاری باکی کوچه‌لرینده اولاجاق. دئییردیلر کی، اونلار باکی‌دا چای ایچجکلر. اصلینده، اونلارین بو آرزولاری حیاتا کئچدی. اونلاری بیز گئرچکلشدیردیک. اونلارین تانکلاری بو گون حربی غنیمتلر پارکیندا نمایش ائتدیریلیر. ارمنی حربی جنایتکارلاری بو گون باکی‌دا محکمه قارشیسیندا جواب وئریرلر و استنطاق تجریدخاناسیندا آذربایجان چایینی ایچیرلر»، - آذربایجان پرزیدنتی وورغولاییب.