نیابرین ۱۴-نه کئچن گئجه روسیا سلاح‌لی قوه‌لرینین اوکراینانین پایتختی کی‌یدوه چوخ کومبیناسیالی هوا هجومو نتیجه‌سینده آذربایجانین اوکرایناداکی سفیرلیینین بیناسینا جدی زیان دییب.

Axar.az خبر وئریر کی، راکتلردن بیری سفیرلیین اراضی‌سینه دوشوب و اورادا بؤیوک بیر یاریق عمله گلیب.

سفیرلییمیزین بیناسی دا داخیل اولماقلا دیوارلارینا جدی ضرر دییب. دیوارین بیر حصه‌سی اوچوب، همچینین سفیرلیین پنجره‌لری سینیب، دیپلماتلارا مخصوص آوتوموبیللره زیان دییب.

حادثه یئرینه اوکراینانین موافق قوروملاری دا گله‌رک، دین زیانی آراشدیریرلار.

اونو دا قید ائدک کی، بو، آرتیق بیرینجی حال دئییل. پایتخت کی‌یوه هوا هجوملاری نتیجه‌سینده آذربایجانین اوکرایناداکی سفیرلیینین بیناسی بیر نئچه دفعه زیان گؤروب. لاکین بودفعه‌کی زیان مقیاسینا گؤره داها بؤیوک و جدی اولوب. سفیرلیین شخصی هیئتی آراسیندا یارالانان یوخدور.