ایران پرزیدنتی مسعود پزشکیان آمریکالی همکاری دونالد ترامپا مکتوب گؤندریب.

Axar.az خبر وئریر کی، بو باره‌ده ایران پارلامنتینین کئچمیش عضوو مصطفی کواکبیان معلومات وئریب.

اونون سؤزلرینه گؤره، مکتوبون گؤندریلمه‌سی اوچون ایرانین عالی رهبری علی خامنه‌ای‌دن اجازه آلینیب و مکتوبون داشییجی‌سی سعودیه عربیستانینین ولیعهد شاهزاده‌سی محمد بن سلمان اولوب.

مکتوبون مضمونونون دیالوگا چاغیریش اولدوغونو دئیه‌ن کواکبیان قید ائدیب کی، بورادا ایرانین کاپیتولیاسییایا اساسلانان دانیشیقلاری قبول ائتمه‌دیی و بونا گؤره ده ایکی طرفین برابر شرایط‌ده، قارشی‌لیقلی مذاکره‌لره باشلاماغا حاضر اولدوغو گؤستریلیب.

سابق ملت وکیلی علاوه ائدیب کی، مکتوبون گؤندریلمه‌سی آرتیق اؤز تأثیرینی گؤستریب و ترامپ درحال بیلدیریب کی، آمریکا دانیشیقلار آپارماغی نظرده توتور.

"بو، بیزیم محاربه نیتینده اولمادیغیمیزا و صلح اوچون دیالوگ امکانلارینی آچیق ساخلادیغیمیزا اشاره‌دیر"، - دئیه سابق ملت وکیلی وورغولاییب.