ایران پارلامنتینین رادیکال محافظه‌کار عضوو حمید رسایی اؤلکه‌نین کئچمیش پرزیدنتی حسن روحانینین اؤز اوغلونون اؤلومونده شبهه‌لی شخص اولدوغونو ادعا ائدیب.

Axar.az خبر وئریر کی، ملت وکیلی سابق دولت باشچی‌سینین اوغلونون اؤلومو ایله باغلی دتاللارین آیدین اولمادیغینی دئییب.

"اوغلونو اؤلدورمکده شبهه‌لی بیلینه‌ن شخص ۱۷ ایلدیر بریتانیایا گیزلی سفرلر ائدیر. اونون علمی ایشی ده پلاگیاتدیر. هابئله، اونون ایکیلی وطنداشلیغا صاحب اولماسین‌دان شبهه‌لنیرلر"، - دئیه رسایی آچیقلاییب.

سؤزلرینین هئچ بیرینین بهتان اولمادیغینی دئیه‌ن ملت وکیلی علاوه ائدیب:

"هر شی‌دن اول حسن روحانی اؤز سلاحی ایله اؤولادینی قتله یئتیریب. اونون ائوی حربی بازا کیمی قورونوردو و هئچ کیم کناردان گلیب اونون اوغلونو اؤلدوره بیلمزدی. بو جنایت شخصی سلاحلا تؤردیلیب و روحانینین اؤزو ده بونونلا باغلی پلیسه شکایت ائتمه‌ییب".