تهرانین ائوین حبسخاناسین‌دا ۳۵ گون‌دور آجلیق آکسییاسی کئچیرن ملی فعال ودود اسدینین وضعیتی آغیرلاشدیغی اوچون حبسخانانین طب منطقه‌سینه کؤچورولوب.

Axar.az خبر وئریر کی، بونونلا باغلی اونون یاخینلاری معلومات یاییب.

معلوماتا گؤره، حبسخانا حکیملری محبوسون حیاتینی خلاص ائتمک و داها جدی خسارتلرین قارشی‌سینی آلماق اوچون سروم و آمپولالار ووروربلار.

ودود اسدی ۳۵، طاهر نقوی ایسه ۳۶ گون اول باره‌لرینده چیخاریلان عدالتسیز حکمه و طبی خدمتدن محروم ائدیلمه‌لرینه اعتراض اولاراق آجلیق آکسییاسینا باشلاییبلار.

هر ایکی فعال اؤتن ایلین فورال آیینین اوللرینده ودوس اسدی رشت شهرینده، طاهر نقوی ایسه کرج شهرینده بیر نئچه باشقا فعاللا عینی واختدا حبس ائدیله‌رک تهرانین ائوین حبسخاناسینا کؤچورولوبلر.

"ملی تهلوکه‌سیزلییه قارشی البیر اولماق"، "حکومته قارشی تبلیغات". "رهبری تحقیر ائتمک" و "جاسوسلوق"دا گناهلاندیریلان فعاللار اوزون مدتلی حبس جزاسینا محکوم ائدیلیبلر.