خالقلاریمیزی صلحه حاضیرلامالیق.

Axar.az خبر وئریر کی، بونو قطرده کئچیریله‌ن «دوحه فورومو»ندا آذربایجان پرزیدنتینین کمکچی‌سی – پرزیدنت آدمینیستراسییاسینین خارجی سیاست مسئله‌لری شعبه‌سینین مدیری حکمت حاجییئو دئییب.

پرزیدنتین کمکچی‌سی قید ائدیب کی، آذربایجان اوچون محاربه و مناقشه بیتیب.

اونون سؤزلرینه گؤره، صلح رفاه یاراتمالی، انکشاف تامین ائتمه‌لی، جنوبی قافقازین بوتون گئوسییاسی منظره‌سینی دییشمه‌لی‌دیر. بو آسپکتده خالقلار آراسین‌دا اعتمادین اؤنم‌لی اولدوغونو وورغولایان حیکمت حاجییئو بیلدیریب کی، آذربایجان صلحو ابدی، داواملی و گئری دؤنمز ائتمک ایسته‌ییر:

«بونون اوچون چوخ چالیشمالییق. بیلیریک کی، بعضا صلحو پوزماق ایسته‌یه‌ن قوه‌لر اولا بیلر. بیز ائله رگیونال تهلوکه‌سیزلیک آرخیتکتوراسی قورمالییق کی، صلحه قارشی بوتون منفی میللره تاب گتیرسین. بونون اوچون اولجه حکومتلر آراسین‌دا اعتماد لازم‌دیر. ممنونیتله دئیه بیلرم کی، ارمنیستان و آذربایجان حکومتلری آراسین‌دا اعتماد المنتلری فورمالاشیر. بو، مهم تمل‌دیر. اما داها اؤنملی‌سی خالقلار آراسین‌دا اعتماددیر. بیز خالقلاریمیزی صلحه حاضیرلامالییق. آذربایجانین مساژی همیشه بئله اولوب کی، بیز صلح سازشینی یالنیز ارمنیستان حکومتی ایله امضالاماق ایسته‌میریک، هم ده ارمنیستان خالقی ایله امضالاماق ایسته‌ییریک کی، گله‌جک نسللر ده بونون فایداسینی گؤرسون. بیز اعتماد قوروجولوغو تدبیرلری اوزرینده ایشله‌ییریک. بیلیریک کی، بو چتین‌دیر. جمعیتیمیزده یارالار هله تزه‌دیر، ۳۰ ایللیک مناقشه، سون بئش ایلده اسکالاسییالار و رئال محاربه وضعیتی یاشانیب. اما ان اساسی بودور کی، آذربایجان رگیونال لیدرلیک و مسئولیتی اوزرینه گؤتوروب».