آذربایجان رسپوبلیکاسینین پرزیدنتی الهام علیئو دکابرین ۸-ده ایران اسلام رسپوبلیکاسینین خاریجی ایشلر ناظری سید عباس عراقچینین رهبرلیک ائتدیی نماینده هیئتینی قبول ائدیب.

Axar.az خبر وئریر کی، آذربایجانلا ایران آراسیندا علاقه‌لرین بؤیوک تاریخینین اولدوغونو دئیه‌ن پرزیدنت الهام علیئو قید ائتدی کی، خالقلاریمیزین عصرلر بویو بیر یئرده یاشاماسی مناسبتلریمیزه خصوصی اؤنم وئریر. سون دورلرده علاقه‌لریمیزین فعاللاشماسیندان ممنونلوغونو بیلدیره‌ن دؤولتیمیزین باش‌چی‌سی ایران ایسلام رئسپوبلیکاسینین پرئزیدئنتی مسعود پئزئشکیانین اؤلکه‌میزه سفرینین، همچینین دیگر یوکسک وظیفه‌لی شخصلرین قارشیلیق‌لی سفرلرینین امکداشلیغیمیزین داها دا گئنیشلندیریلمه‌سینه تهفه وئردیینی وورغولادی.

پرزیدنت الهام علیئو ایکی طرف‌لی گوندلییمیزین گئنیش اولدوغونو و بیر چوخ ساحه‌لری احاطه ائتدیی دئیه‌رک، بوتون مسئله‌لر اوزره کونکرئت یول خریته‌لرینین اولدوغونو بیلدیردی.

هؤکومتلراراسی کومیس‌سییانین چوخ اوغورلا فعالیت گؤستردیینی وورغولایان دولتیمیزین باشچی‌سی بو خصوص‌دا اقتصادی، تجاری، نقلیات، انرگتیکا و دیگر ساحه‌لرده امکداشلیغا توخوندو.

آذربایجان پرزیدنتی ایران نماینده هیئتینین سفرینین اوغورلو و محصولدار اولاجاغینا امینلیینی ایفاده ائتدی.

قبولا گؤره تشکرونو بیلدیره‌ن سید عباس عراقچی، ایلک نوبه‌ده، ایران اسلام رسپوبلیکاسینین پرزیدنتی مسعود پزشکیانین سلاملارینی دولتیمیزین باشچی‌سینا چاتدیردی. او قید ائتدی کی، ایرانین دولت باشچی‌سینین پرزیدنت الهام علیئوه و آذربایجانا بؤیوک حرمتی وار. قوناق مسعود پزشکیانین ایران پرزیدنتی سئچیلمه‌سیندن سونرا اؤلکه‌میزله علاقه‌لری داها دا نکشاف ائتدیرمکله باغلی تاپشیریق وئردیینی دئدی.
پرزیدنت الهام علیئو سلاملارا گؤره میننتدارلیغینی بیلدیردی، اونون دا سلاملارینی مسعود پزشکیانا چاتدیرماغی خواهش ائتدی.

سید عباس عراقچی دا اؤز نوبه‌سین‌ده آذربایجان-ایران علاقه‌لرینین درین کؤکلره مالیک اولدوغونو وورغولایاراق، مناسبتلریمیزین داها دا درینلشدیریلمه‌سینین اهمیتینه توخوندو.

صحبت زمانی قارشی‌لیقلی ماراق دوغوران مسئله‌لر اطرافین‌دا فکر مبادله‌سی آپاریلدی.