ایران آرخیولرینده قازاخ خانلیغی و قازاخ خالقینین ایگید، دؤیوشکه‌ن خالق اولدوغونا دایر یازیلار ساخلانیلیر.

Axar.az خبر وئریر کی، بو باره‌ده قازاخیستان پرزیدنتی قاسیم-ژومارت توکایئو آستانادا ایران پرزیدنتی مسعود پزشکیان ایله دانیشیقلارین یکونونا حصر اولونموش بریفینگده بیلدیریب.

«ایران یاخین شرقده بیزیم اعتبارلی طرفداشیمیزدیر. ایکی قارداش خالقین تاریخی کؤکلری، عادت-عنعنه‌لری و مدنیتی بیر-بیرینه یاخین‌دیر. منیم الیم‌ده بیر سیرا تاریخی فاکتلار وار. مثلاً، بؤیوک ایپک یولو ایندیکی قازاخیستان و ایران اراضیلریندن کئچیب. بؤیوک ایپک یولو تخنولوگییا و دینین یاییلماسینا، ائلجه ده مدنی-معنوی علاقه‌لرین درینلشمه‌سینه تأثیر گؤستریب»، - او دئییب.

دولت باشچی‌سی قید ائدیب کی، صفویلر دولتینین بانیسی شاهی اسماعیل خطایی ایلک علاقه قوران قازاخ خانی کری اولوب:

«ایران آرخیولرینده قازاخ خانلیغی و قازاخ خالقینین ایگیدلیینه دایر یازیلار وار. ته‌وکه خانلا شاه سلطان حسین آراسین‌دا سیخ علاقه‌لر واردی. تاریخی منبع‌لره گؤره، هر ایکی اؤلکه‌نین نماینده‌لری مسکوادا گؤروشوب، ایران ائلچیسی قازاخ چؤللرینه سفر ائدیب. ابیلخاییر خان نادر شاهین (افشار دولتینین حکمداری) یانینا ائلچی گؤندره‌رک مناسبتلری انکشاف ائتدیرمک نیتینی ایفاده ائدیب».