خامنه‌ای‌نین مشاویری ویلایتی ارمنستانین تهران‌داکی سفری ایله گؤروشده زنگزور دهلیزینه قارشی آنتی-موقعی یئنی‌دن تکرارلاییب. بیلدیریب کی، «ترامپ مارشروتو» اصلین‌ده زنگزور دهلیزی ایله عینی‌دیر و تهران بونا قارشی‌دیر».

ویلایتینین زنگزور دهلیزی ایله باغلی کهنه موقعی خارجی ایشلر ناظری عباس عراقچینین باکی سفریندن سونرا یئنی‌دن گونده‌مه گتیرمه‌سی ایرانین سیاسی الیتاسین‌داکی ضدیتلردن قایناقلانیر.

پزشکیان آدمینیستراسییاسی زنگزور دهلیزینی ایرانا قارشی ادعا ائدیلدیی کیمی تهلوکه اولاراق گؤرمور. عراقچینین سفری ده رگیونداکی موجود شرطلرده - ترانزیت لایحه‌لری و سیاسی-تهلوکه‌سیزلیک آرخیتکتوراسیندا ایرانین ماراقلارینین نظره آلینماسی اطرافین‌دا آذربایجانلا مذاکره‌لر آپارماغا حسابلانمیشدی. بو سفر هم ده ایرانین موجود آدمینیستراسییاسینین محافظه‌کارلارا قارشی موقعینین گوجلندیریلمه‌سی مقصدی داشیییردی: گؤرونور، محافظه‌کارلارین آذربایجان و زنگزور دهلیزی حاقدا یاراتدیقلاری صونعی قورخونو قبول ائتمه‌یه‌ن پزشکیان ایرانین ماراقلارینا قارشی تهلوکه‌نین اولمادیغینی یئنی‌دن تصدیق ائتمک، بونونلا آرقومنتلرینی گوجلندیرمک احتیاجی دویوب؛

ویلایتینین ارمنستان سفری ایله گؤروشو ایسه عراقچینین باکی سفرینه قارشی دمارش کیمی گؤرونور. استثنا دئییل کی، ارمنی سفیرله گؤروش تشببوسو ده خامنه‌ای‌نین مشاورین‌دن گلیب، بونونلا هم زنگزور دهلیزینه قارشی موقعی یئنی‌دن گونده‌مه گتیریر، هم ده پزشکیان کومانداسینا مساژ وئریرلر. هرچند، رسمی ایروان دا آرتیق محافظه‌کارلارین موقعینی بؤلوشمور. ارمنستان سفیرلیینین گؤروشله باغلی معلومات‌دا ویلایتینین زنگزور دهلیزی حاق‌دا فکرلرینه یئر وئرمه‌مه‌سی ده بونو تصدیق ائد‌ن دئتاللاردان‌دیر.

محافظه‌کارلارین حادثه‌لرین انکشافینا یؤن وئرمک اوچون معین جهدلر ائدجیی ممکن‌دور.

- ایرانین رسمی موقعینی بوتؤولشدیرمک مقصدیله داخل‌ده پئزئشکیان آدمینیستراسییاسینا تضییقلرین آرتیریلماسی؛

- ایران-آذربایجان مناسبتلرین‌ده نورماللاشما پروسسینی پوزماغا حسابلانمیش آددیملارین آتیلماسی؛

- ارمنستانلا تماسلاری سیخلاشدیراراق، رسمی ایروانین موقعینه تأثیرین ائدیلمه‌سی؛

- زنگزور دهلیزینه قارشی روسیا ایله بیرلیکده حرکتین ائدیلمه‌سی؛

ضعیف گؤرونن بو جهدلرین نتیجه وئرمه‌سی احتمالی دا آزدیر. عمومیتله، ایرانین زنگزور دهلیزی لایحه‌سینی دایاندیرماق امکانلاری محدوددور.
۱. داها اؤنجه دهلیزه قارشی تهرانلا عینی جبهه‌دن چیخیش ائد‌ن پاشینیان حاکمیتینین موقعی ۱۸۰ درجه دییشیب؛

۲. ایرانین قارشی‌سین‌دا آرتیق آذربایجان و ارمنستان یوخ، آمریکا وار؛

۳. اوکراینادا ایستدیینی آلماغا چالیشان روسیا جنوبی قفقازدا آمریکانین پلانلارینی نظره آلاجاق: حتی واشینگتون-مسکوا آنلاشمالاری باش توتماسا بئله کرملینین پروسسه تأثیر ریچاقلاری اولکی قدر گوجلو دئییل.