خصوصاً ۱۲ گونلوک ایران-اسرائیل قارشی‌دورماسیندان سونرا تهرانین تأثیر و مداخله‌لرین‌دن اذیت چکن بیر نئچه اؤلکه‌نین، او جمله‌دن لیوانین ایرانا قارشی فرق‌لی سیاست یوروتمه‌سی اسلام رسپوبلیکاسینین تاریخینده اونون نفوذونون ان آشاغی سویه‌یه دوشمه‌سیندن خبر وئریر.

اسرائیلله قارشی‌دورمادا لیوانی اؤزونون اؤن جبهه‌سی کیمی گؤره‌ن تهران سون واختلار بیروتون گؤستردیی رئاکسیالاردان شوک اولوب و بونو ایران خخارجی ایشلر باش‌چی‌سی عباس عراقچی دا اعتراف ائدیب. تهرانین لیوانین داخلی ایشلرینه قاریشماسینا رسمی بیروتون سون قویماق ایستیینین قطعی‌لییی، خصوصاً سون واختلار لیوانین یوکسک وظیفه‌لی رسمیلرینین مؤقعلرینده‌کی دییشیک‌لیکلرده، بیاناتلاردا دا اؤزونو گؤستریر. بونون ان بارز نمونه‌لریندن بیری لیوان خاریجی ایشلر ناظری یوسیف راجی‌نین ایرانین خخارجی ایشلر ناظری عباس عراقچینین دعوتیندن امتنا ائتمه‌سی‌دیر. ایران‌لی همکارینین تهرانا سفر دعوتینی رد ائد‌ن راجی عراقچی ایله گؤروشونون یالنیز راضیلاشدیریلمیش اوچونجو نیترال اؤلکه‌ده باش توتا بیله‌جیینی بیلدیریب.
بونونلا عینی واخت‌دا لیوان پارلامنتینین ملت وکیلی قیاس یزبک خاریجی ایشلر ناظری یوسف راجی‌یه مراجعت ائد‌رک، ایران نفوذونون قارشی‌سینین آلینماسی اوچون بیر نئچه تکلیف و طلب ایر‌لی سوروب.

او، ایران سفیرینین درحال اؤلکه‌دن قووولماسینی، تهران رژیمینین یئنی سفیرینین اعتیمادنامه‌سینی قبول ائتممیی و تهران‌دان هئچ بیر سفیرین لیوانا گیرمه‌سینه اجازه وئریلمه‌مه‌سینی طلب ائدیب.

تهرانین داغیدیجی نفوذونا و ایران رژیمینین حزبوللاه گروپلاشماسینا بیرباشا دستیینه توخونان یازبئک طلبلرینین لیوانین ملی سوورنلیینی قوروماق اوچون ضروری اولدوغونو وورغولاییب.

لیوان‌لی سیاستچیلرین ده وورغولادیغی کیمی، تهران و بیروت آراسین‌دا گرگینلیین اساس سببی ایران حکومتینین حزبوللاه سلاحلی گروپلاشماسینا هرطرف‌لی دستک وئرمه‌سیندن قایناقلانیر. بو گونه کیمی مختلف سببلره، او جمله‌دن مرکزی حاکمیتین ضعیف، حزبوللاهین ایسه گوجلو اولماسینا گؤره باش وئره‌نلره دؤزه‌ن رسمی بیروت ایرانین و حزبوللاهین ضعیفله‌مه‌سیندن سونرا اؤلکه‌ده و قونشولاری ایله مناسبت‌ده یئنی سیاسی دورون باشلاماسینا قرار وئریب.

سون واختلار باش وئره‌نلر گؤستریر کی، لیوان حکومتی تهرانین حزبوللاها سپاهین بؤلمه‌لریندن بیری، ایرانین بؤلگه‌ده منافعینی قورویان حربی قوه‌سی کیمی باخماسینی قبول ائتمه‌مک‌ده اسرارلیدیر. اونا گؤره کی، هم ده تهرانین حزبوللاهی لیوان حکومتینه پارالل بیر گوجه چئویرمه‌سی اؤلکه‌نین سوورنلیینی شبهه آلتینا آلماقلا یاناشی، تهرانلا تلاویو آراسین‌دا احتمال اولونان ایکینجی محاربه‌ده بیروتو اسرائیلین یاخین هدفینه چئویره بیلر. او دا آیدین‌دیر کی، ایرانین لیوان مسئله‌سینه قارشی حاضرکی سیاستینین داوام ائتدیریلمه‌سی یالنیز داخلی منظره‌نین مرکبلیینی آرتیرماقلا یاناشی، هم ده لیوانی اسرائیلله یئنی بیر محاربه ریسکی ایله اوزلشدیره‌جک.

رگیون‌داکی وضعیتین چوخ غیری-ثابت اولدوغو و لیوانین اقتصادی و حربی جهتدن بحران کئچیردیی بیر واخت‌دا بو، سؤزون حقیقی معناسین‌دا لیوانی اولکیلردن داها آغیر نتیجه‌لرله اوزلشدیره، اؤلکه‌نین سوورنلیینی جدی تهلوکه آلتینا آتا بیله‌جک یئنی ماجرالارا سوروکله‌یه بیلر. عینی زمان‌دا بو، ایرانین ضعیفله‌مه‌سی ایله بؤلگه‌ده اؤزونون تأثیر و نفوذونو آرتیرماغا چالیشان اسرائیلین لیوانا گئنیش مقیاس‌لی حربی مداخله‌سینه، تهلوکه‌سیزلیک زولاغی آدی آلتین‌دا لیواندان تورپاق قوپارماسینا دا زمین یارادار.

۷ اوکتیابر ترور هجوموندان سونرا اسرائیلین غزه‌ده کئچیردیی گئنیش حربی عملیاتلارا رئاکسییاسی گؤز قاباغین‌دا اولان تهران حکومتی ایسه بو دفعه ده لیوانین داها درین بحران و اشغاللا اوزلشمه‌سی حسابینا اؤزونون عمرونو بیر مدت ده اوزانمیش اولار. لیوان حکومتینین ایسه سون حرکتلری بونون قطعی شکیل‌ده قارشی‌سینین آلینماسینا یؤنلدیینه اشاره ائدیر.