آذربایجان رسپوبلیکاسینین پرزیدنتی الهام علیئوین دکابرین ۲۱-ده روسیانین سانکت-پطربورگ شهرین‌ده کئچیریلمیش عالی آوراسیا اقتصادی شوراسینین اجلاسین‌دا و ام.د.ب دولت باشچیلارینین بو گون کئچیریله‌جک غیری-رسمی زیروه گؤروشونده اشتراک ائتمه‌مه‌سینین سببلری آچیقلانیب.

پرزیدنت آدمینیستراسیاسین‌دان Axar.az-آ بیلدیریلیب کی، آذربایجان آوراسیا اقتصادی اتفاقینا عضو اولمادیغینا گؤره پرزیدنت ایلهام علیئو عالی آوراسییا اقتصادی شوراسینین دئکابرین ۲۱-ده کئچیریلمیش اجلاسین‌دا اشتراک ائتمه‌ییب.

دولت باش‌چی‌سی بو گون ام.د.ب دولت باشچیلارینین سانکت-پطربورگ شهرینده کئچیریله‌جک غیری-رسمی زیروه گؤروشونده ایسه ایش گرافیکینین سیخ‌لیغینا گؤره اشتراک ائده بیلمه‌یه‌جک.

خاطرلاداق کی، آذربایجان رسپوبلیکاسی عضو دولت کیمی ام.د.ب-نین رسمی زیروه گؤروشلرینده متمادی اولاراق اشتراک ائدیر و ام.د.ب چرچیوه‌سینده امکداشلیغا، او جمله‌دن عضو دولتلرله ایکی‌طرف‌لی علاقه‌لرین انکشافینا مهم اهمیت وئریر.

پرزیدنت الهام علیئو بو ایل اوکتیابرین ۹-۱۰-دا تاجیکیستانین دوشنبه شهرینده کئچیریلمیش ام.د.ب دولت باشچیلاری شوراسینین اجلاسیندا اشتراک ائدیب. اجلاس چرچیوه‌سین‌ده ایستر ایکی طرف‌لی، ایسترده ده چوخطرف‌لی موستویده کئچیریلمیش گؤروشلر ثمره‌لی اولوب.