اوکراینا محاربه‌سینده ان قانلی، ان تهلوکه‌لی مقام یارانیب و بوندان سونرا محاربه‌دن چیخماق اوچون یا زلنسکی، یا دا پوتین حاکمیتدن گئتمه‌لیدیر.

Axar.az خبر وئریر کی، بو باره‌ده اقتصادی اکسپرت ناطیق جعفرلی یازیب.

«روسیا ادعا ائدیر کی، پوتینین اقامتگاهینا، اونو آرادان گؤتورمک اوچون، اوکراینا درون هجومو تشکیل ائدیب. اؤزو ده بو هجوم دانیشیقلارین ان اینتنسیو دورونه تصادف ائدیب. زلنسکی ایسه دئییر کی، روسیا یالان دانیشیر، بئله بیر هجوم اولماییب، بو، روسیانین دانیشیقلاری پوزماق جهدی‌دیر.
بو سیتواسیادا یا پوتین، یا دا زلنسکی یالان دانیشیر - بونو آنلاماق اوچون اموسیونال یاناشمانی کنارا قویماق، سویوق باشلا دوشونمک لازیم‌دیر. اموسیونال یاناشما بودور کی، روسییا، پوتین همیشه یالان دانیشیر.

اما بو مسئله‌ده بیر جدی مقام وار. هر ایکی طرف بو ادعالاری آمریکایا، ترامپا دئییرلر، یعنی یا زلنسکی، یا دا پوتین یالان دانیشماقلا یاناشی، ترامپی دا آلداتماغا چالیشیر.

دئمه‌لی، محض آمریکا دئمه‌لی‌دیر کی، یالانچی کیم‌دیر. چونکی ایندیکی دونیادا محض آمریکانین ان چوخ پئیکی اوربیت‌ده‌دیر. «ایستارلینک» و «ایستارشیئلد» حربی-نظارت پیکلری ایله بیر یئرده آمریکانین ایندی اوربیت‌ده ۵۰۰۰ پیکی وار. بو کوسمیک «پیک اوردوسو» دنیانین هر نقطه‌سینه باخیر. اوکراینا محاربه‌سینه، روسیانین آقرسییاسینا گؤره «پیک اوردوسو»نون ۶۰%-دن چوخو محض مناقشه بؤلگه‌سینی ایزلییر. همین پیکلر نینکی گؤیده اوچان جسملری، حتی یئرده گئدن آوتومبیلین نمره‌سینی بئله گؤره بیلیر.

ایندی، سیزجه، آبش-این ۵۰۰۰ پیکی، ۱۸ خصوصی خدمت اورقانی کیمین یالان دانیشدیغینی بیلیر، یا بیلمیر؟! منجه، بیلیرلر و بونو یاخین زمان‌دا گؤرجییک. اما محاربه‌نین بیتمه‌سی اوچون کیم یالان دانیشیبسا، اونون گئتمه‌سی لازیم اولاجاق»، - اکسپرت وورغولاییب.

قید ائدک کی، روسیا پوتینین نووقورودداکی اقامتگاهینا ۹۱ پوا ایله هجوم ائدیلدیینی بیلدیریب. اوکراینا لیدری زلنسکی بو ادعانی تکزیب ائدیب.