تأسف کی، هله ده بعضی سوسیال شبکه‌لرده یازیچیلار بیرلیینین هر بیر حرکتی بیله‌رکدن ترس یوزولور، اونلار باره‌ده یالان معلوماتلار وئریلیر. بئله فاکتلاردان بیری ده گونئی آذربایجان ادبیاتی کومیسیاسینین ایشی ایله باغلی آذربایجان یازیچیلار بیرلیی کاتبلیینین وئردیی قراردیر.

Axar.az خبر وئریر کی، بو باره‌ده آذربایجان یازیچیلار بیرلیی-نین مطبوعات خدمتینین معلوماتین‌دا دئییلیر.

«دکابر آیینین ۲۳-ده آذربایجان یازیچیلار بیرلیی کاتبلیی بو کمیسیانین ایشینی و آذربایجان یازیچیلار بیرلیی صدرینین مشاوری سایمان آروزون فعالیتینی مذاکره ائدیب.

سایمان آروزون دا اشتراک ائتدیی توپلانتی‌دا اونون فعالیتینده معین نقصانلار قید ائدیلیب. سایمان آروز هم آدی کئچه‌ن کمیسیانین صدری، هم ده آذربایجان یازیچیلار بیرلیی صدرینین مشاوری کیمی ایکی وظیفه توتدوغون‌دان گونئی آذربایجان ایله باغلی بوتون مسئله‌لری اؤز انحصارین‌دا ساخلاماغا چالیشدیغی قید ائدیلیب. بو جهتدن سایمان آروزو جنوبی آذربایجان ادبیاتینین بیلیجی‌سی کیمی صدرین مشاوری وظیفه‌سینده ساخلاماق قراری آلینیب، عینی زمانادا کمیسیا صدرلیینه او تایلی، بو تایلی آذربایجان‌دا یوکسک نفوذ صاحبی اولان خالق شاعری صابیر روستمخانلینین نامزدلیی ایر‌لی سورولوب. عینی زمان‌دا کمیسیانین ترکیبی ده گئنیشلندیریلیب. توپلانتی‌دا اشتراک ائد‌ن سایمان آروز دا صابیر روستمخانلینین نامزدلیینی دستکله‌ییب.

بو مسئله ایله باغلی نظامنامه‌نی پوزدوقلاری اوچون (قوجامان یازیچی بالاش آذراوغلونا چیرکین بهتان آتدیغی اوچون) یازیچیلار بیرلییندن خارج ائدیلمیش بیریسی و آذربایجان یازیچیلار بیرلیی-نه قارشی شر-بهتان کامپانییاسی آپاردیغینا گؤره محکمه طرفیندن جزالاندیریلمیش باشقا بیریسی واختیله بیرلیین عضولویون‌دن خارج ائدیلیب. ایندی همین آداملار گویا کی، سایمان آروزا هوادار اولوب، یازیچیلار بیرلییندن حیفلرینی چیخماغا جهد ائدیرلر.

بیر یانلیش دا اوندان عبارت‌دیر کی، گویا کاتبلیین قرارینا جنوبی آذربایجاندان ۲۰۰ نفر شخصین امضاسی ایله گلن مکتوب تأثیر ائدیب. نه سایمان آروزون علیه‌اینه یازیلمیش بو مکتوب، نه ده ایران‌دان اونو مدافعه ائد‌ن مکتوبلارین یازیچیلار بیرلیینه گؤندریلمه‌سی کاتبلیین قرارینا هئچ بیر تأثیر گؤسترمه‌ییب و گؤستره ده بیلمزدی. سایمان آروزون ایشینده‌کی نقصانلاری کمیسیانین عضولری ده گؤستریبلر. سایمان آروزا صابیر روستمخانلی کیمی گؤرکملی ضیالیمیزین رهبرلیک ائتدیی و ترکیبی گئنیشلندیریلمیش کمیسیا ایله سیخ امکداشلیق شرایطینده جنوبی آذربایجان ادبیاتینی اؤلکه‌میزده داها گئنیش و داها اوبیکتیو تانینماسی اوچون کونکرت تدبیرلر گؤرولمه‌سی یولون‌دا چالیشماغی تکلیف ائدیریک.

اونو دا قید ائدک کی، نه کمیسیانین صدری، نه ده مشاورلر قورولتای طرفیندن تعیین اولونمور. یالنیز آذربایجان یازیچیلار بیرلیی کاتیبلیینین قراری ایله تصدیق اولونورلار.

یئری گلمیشکه‌ن آذربایجان یازیچیلار بیرلیی صدرینین باشقا بیر مشاوری راوف آسلانوون گویا صدرین حکومت تلفنو ایله هارالاراسا زنگ ائتمه‌سی ده هئچ بیر کونکرت فاکتلا تصدیق ائدیلمه‌یه‌ن بهتان‌دیر.

خالقیمیزین ان گؤزل جهتلریندن بیری یاشلی آداما، آغساققالا حؤرمتله، ادبله یاناشماقدیر. ادبیات‌دا دا هر کسین یئری یارادیجی‌لیق خدمتلرینه گؤره معیینلشیر. صابیر روستمخانلی کیمی ادبیاتیمیزدا دانیلماز خدمتلری اولموش بیر شخص یاشینا گؤره اونون گؤردویو فایدالی ایشلرین یاریسینی دا گؤرمه‌میش، نسبتا جوان آداما قارشی قویماق مانویاتسیزلیق‌دیر»، - دئیه بیلدیریلیب.