۳۱ دکابر - دونیا آذربایجان‌لیلارینین همرای‌لییی گونودور.

Axar.az خبر وئریر کی، بو بایرام دنیانین مختلف اؤلکه‌لرینده یاشایان آذربایجانلیلار آراسیندا همرای‌لیک باغلارینین یارانماسیندا مهم رول اویناییر.

دنیا آذربایجان‌لیلارینین همرای‌لییی گونونون اساسی ۱۹۸۹-جو ایل دکابرین آخیرلاریندا ناخچیوان‌دا سرحدلرین (اس.اس.ار.ای-ایران سرحدلری) داغیلماسی زمانی قویولوب. شمالی و جنوبی آذربایجان آراسینداکی سرحد دیرکلری داغیدیلیب. بو واخت ایستانبول‌دا تورک دیل‌لی خالقلارین کنفرانسی کئچیریلیردی. کنفرانس‌دا دنیا آذربایجان‌لیلارینین همرایلیینین قید اولونماسینا قرار وئریب. ۱۹۹۱-جی ایل دکابرین ۱۶-دا آذربایجان خالقینینین عموم ملی لیدری، او واخت ناخچیوان مختار رسپوبلیکاسی عالی مجلیسینین صدری وظیفه‌سینده چالیشان حیدر علیئو دنیا آذربایجانلیلارینین بیرلیینی یاراتماغین اهمیتینی نظره آلاراق دکابرین ۳۱-نی دنیا آذربایجان‌لیلارینین همرای‌لییی گونو اعلان ائدیب.

دنیا آذربایجان‌لیلارینین همرای‌لییی گونو دنیانین بوتون اؤلکه‌لرین‌ده یاشایان آذربایجان‌لیلارین بایرام کیمی قید اولونور. بو گون آذربایجان دیاسپورو اوچون ان مهم و علامتدار بایراملاردان بیریدیر. دونیا آذربایجان‌لیلارینین همرای‌لییی گونونو حتی ملیتجه آذربایجان‌لی اولماییب، لاکین آذربایجان‌دا دوغولوب بؤیوموش، آذربایجان اصیل‌لی دیاسپور نماینده‌لری ده قید ائدیرلر.

۲۰۲۰-جی ایل سنتیابرین ۲۷-ده ارمنستانین آذربایجانا قارشی تؤرتدیی حربی تجاوزه جواب اولاراق خالق عالی باش کوماندان، پرزیدنت ایلهام علیئوین چاغیریشی ایله وطن محاربه‌سینه قالخیب. آذربایجان اوردوسو ۴۴ گون عرضین‌ده دوشمنی آغیر مغلوبیته اوغرادیب و اؤلکه‌نین اراضی بوتؤولویونو برپا ائدیب.

۲۰۲۳-جو ایلین سنتیابر آیین‌دا کئچیریلمیش آنتی‌ترور عملیاتی ایسه جمعی بیر گون، اوندان دا آز چکدی. آذربایجان اوردوسو پئشه‌کارلیق و قهرمان‌لیق گؤستره‌رک بوتون ایستراتژی یئرلره چیخاراق، قیسا مدت عرضینده او عملیاتین تالعینی حل ائتدی و دوشمن اوردوسو تسلیم اولماغا مجبور اولدو. داها سونرا آذربایجان پرزیدنتی ایلهام علیئو اوکتیابرین ۱۵-ده خانکه‌ن‌دی شهرین‌ده دؤولت بایراغینی اوجالدیب. ایلهام علیئو ۸ نویابر – ظفر گونو مناسیبتیله خانکندی‌ده کئچیریلن حربی پاراددا چیخیشیندا بیلدیریب:

«بئله‌لیکله، بیز تاریخی عدالتی برپا ائتدیک. ۲۰ سنتیابر ۲۰۲۳-جو ایل بیزیم تاریخیمیزده قالاجاق، نئجه کی، ۸ نیابر. نویابرین ۸-ده شوشا عملیاتین‌دان سونرا دوشمن اوردوسونون بئلی قیریلدی و بیر گون سونرا کاپیتولیاسییا آکتینا امضا آتدی. بو ایل آپرلین ۲۳-ده بیز لاچین استقامتین‌ده آذربایجان-ارمنستان سرحدینی نظارته آلاراق اراضی بوتؤولویوموزو تام برپا ائتدیک و سنتیابرین ۲۰-ده دولت سوورنلیینی تام برپا ائتدیک. بونونلا سپاراتچیلارین کیتابی باغلاندی. آرتیق آذربایجان‌دا سپاراتچیلیغا یئر اولمایاجاق. آذربایجان دولتی بو گون بوتون اراضییه نظارت ائدیر و بونون سببکارلاری بو گون، باخ، بو میدان‌دا دایانان بیزیم ایگیدلریمیزدیر و اون مینلرله آذربایجان حربچیلریدیر. اونلارین قانی-جانی باهاسینا بیز بو غلبه‌نی الده ائتمیشدیک».

۴۴ گونلوک وطن محاربه‌سی دورون‌ده اولدوغو کیمی، آنتی‌ترور عملیاتی زمانی دا دونیا آذربایجان‌لیلارینین همرای‌لیک نماییش ائتدیرمه‌سی، آذربایجان پرزیدنتینین اطرافین‌دا سیخ بیرلشمه‌سی خالق آراسیندا سارسیلماز باغلارین موجودلوغونون گؤستریجی‌سی‌دیر. بو بیرلیین و بیرلیکده الده ائدیلمیش گوجون سایه‌سینده بو گون آذربایجان‌لیلار دنیانین بوتون نقطه‌سینده باشی اوجا گزیرلر.