ایراندا باش وئرن اعتراضلار زوراکیلیق و قتللرله مشاهده ائدیلیر. ایندییه قدر اونلارلا انسانین اؤلدورولدویو و یارالاندیغی حاقدا معلوماتلار وار. رژیم رئال وضعیتی گیزلتمهیه چالیشسا دا، نیو یورکدا منزللنهن ایراندا انسان حاقلاری مرکزی ۸ اعتراضچینین اؤلدورولدویو، اونلارلا انسانین یارالاندیغی، ۱۰۰-دن چوخ انسانین ایسه حبس ائدیلدیی معلوماتینی یاییب. اعتراضلار زمانی ان آزی ۵۰-یه یاخین شخصین حقیقی مرمی ایله وورولدوغو معین ائدیلیب.
قمدا بیر اعتراضچینین کوچهنین اورتاسیندا قومبارا ایله اؤلدورولمهسی ایرانداکی رژیمین غدارلیغینین رئال نمونهسی حساب اولونور. رژیم بو معلوماتی اولجه تکذیب ائتمهیه چالیشدی. لاکن بی.بی.سی-نین آراشدیرمالاری زمانی معلوم اولدو کی، کوچهنین اورتاسیندا اؤلدورولهن اعتراضچی ایله باغلی گؤرونتولر یئنیدیر، حادثه قمون مالک اشتر کوچهسینده باش وئریب. یاییلان ویدئؤگؤرونتولرده بیر قادینین «بومبالاییرلار، اوشاقلاریمیزی اؤلدورورلر» سؤزلری عکس اولونور. بو فاکتین یاییلماسیندان سونرا رژیم قوهلری فاکتی تصدیقلهمهیه مجبور اولدو، لاکن پارتلادیلاراق اؤلدورولهن اعتراضچینی «ترورچو» کیمی تقدیم ائتدیلر.
بو جور ادعالار ایران رژیمینین دقتی اؤلکهدهکی آجیناجاقلی وضعیتدن یاییندیرماق و «خارجی دشمن» اوبرازی یاراتماق اوچون ایللردیر استفاده ائتدیی کلاسیک تاکتیکادیر. رژیم هر دفعه بو تاکتیکایا ال آتسا دا، اؤلکهده باش وئرن اعتراضلارین اساس موتیوی اقتصادی پروبلملر و سوسیال عدالتسیزلیک اولوب. مثال اوچون، ۲۰۱۷-جی ایلده قیمت باهالیغینا، ۲۰۱۹-جو ایلده بنزین قیمتلرینین آرتماسینا، ۲۰۲۲-جی ایلده مهسا امینین رژیم طرفیندن اؤلدورولمهسینه گؤره اعتراضلار باش وئریب. حاضردا داوام ائدن اعتراضلارین دا کؤکونده ارزاق محصوللارینین ۷۰ فایز آرتماسی، ملی والیوتانین دلار قارشیسیندا دیر ایتیرمهسیدیر. ایراندا اکسپرتلر ده تصدیق ائدیر کی، باش وئرن اعتراضلاردا «خارجی دشمن» آختاریشی آبسورددور. اصل دشمن ایرانداکی موجود رژیمدیر.
اقتصادی اکسپرت سعید لیلاز اعتراضلارین باشلانماسیندان ایکی گون اؤنجه بیلدیرمیشدی کی، ایران تالان ائدیلیب: «ایرانین بانکلاریندا آکتیولرین ۴۰ فایزی کاغیذ اوزریندهدیر، رئاللیقدا یوخدور. اؤلکهنین اقتصادی انکشافی صیفیردیر».
او بیلدیریب کی، ایران اسلام رسپوبلیکاسی لگیتیملیین دیبینه چاتیب، اؤلکه باشدان آیاغا کوروپسیالاشیب.
«هله ۲۰۱۷-جی ایل اعتراضلاریندا دینی لیدر خامنهای و موجود سیستم ایکی سئچیمدن بیرینی ائتمهلی ایدی: یا رژیمی ساخلامالی، یا دا خالقین طلبلرینی نظره آلمالی ایدی. رژیمین قورونماسینی سئچدیلر. «رژیمین خادملری» اؤز مقصدلرینه چاتماق اوچون اؤلکهنی «دالانا دیرهییبلر» و اؤز ماراقلاری نامینه ایرانین داغیلماسینی گؤرمزدن گلیرلر»، - ایرانلی اکسپرت وورغولاییب.
سیاسی اکسپرت نوید کالهرودی حساب ائدیر کی، باش وئرن اعتراضلار تمامیله سوسیال-اقتصادی پروبلملردن قایناقلانیر و رژیم بونو «خارجی دشمنله» علاقهلهندیره بیلمز.
اعتراضلارین اؤلکهدهکی آغیر سوسیال شرایطدن قایناقلاندیغی ایران پرزیدنتی مسعود پزشکیان دا تصدیق ائدیب. او بیلدیریب کی، اؤلکهده سو قیتلیغی، یوکسک اینفلیاسییا و درین اقتصادی پروبلملر موجوددور، بونلاری گیزلتمک ممکن دئییل.
«انسانلار ناراضیدیرسا، بو، بیزیم گناهیمیزدیر. گناهی آمریکا-دا و یا باشقا یئرده آختارمایین. مسئولیت بیزیم اوزریمیزدهدیر»، - پزشکیان رئال وضعیتی ایضاح ائدیب.
ایراندا مؤوجود رژیمدن بئزن خالق پزشکیانا بؤیوک اعتماد گؤسترهرک، پرزیدنت سئچدی. اونون سئچکیلر زمانی اساس وعدی ده سوسیال پروبلملری حل ائتمک، خالقین یانیندا اولماقلا باغلی ایدی. ایران پرزیدنتی بونون اوچون الیندن گلنی ائدیر، ان آزی خالقین رئال اعتراضینی «خارجی دشمن»له علاقهلهندیرهرک، دقتی یاییندیرمیر. لاکن پزشکیانین رئاللیقدا قرار قبول ائتمک صلاحیتلری محدوددور و باشدا خامنهای اولماقلا، محافظهکار قانادین کؤک سالدیغی ایران رژیمی اونا بئله بیر امکانی تانیمیر.
اکسپرت سعید لیلاز دا بیلدیریر کی، پزشکیان حکومتی هئچ بیر قرار قبول ائده بیلمیر: «چوخسایلی گؤروشلر کئچیریلیر، لاکن هئچ بیر نتیجهسی یوخدور، حتی حکومتین سهو قرارلار قبول ائده بیلهجک سیستمی یوخدور».
بونون اساس سببی ایرانین خامنهای رژیمینین گیرووندا اولماسیدیر. حاضردا رژیم خالقین پروبلملرینی حل ائتمک اوزینه باش وئرن اعتراضلاردان خلاص اولماق اوچون اوچ استقامتده حرکت ائدیر:
۱. سوسیال طلبلرله چیخیش ائدن دینج اعتراضچیلاری «اغتشاشچی» آدلاندیراراق، زوراکیلیغا معروض قویور، قتللر تؤرهدیر: خامنهای ده سون چیخیشیندا «اغتشاشچیلار» آدلاندیردیغی اعتراضچیلارا هجوم گؤستریشی وئریب؛
۲. اعتراضلاری «خارجی دشمن»له علاقهلهندیرمکله هم دقتی یاییندیرماغا، هم ده زوراکیلیق عمللرینی لگیتیملشدیرمهیه چالیشیرلار؛
۳. اؤلکهدهکی سوسیال پروبلملری پزشکیان حکومتینین گناهی کیمی تقدیم ائتمهیه جهد گؤستریرلر: رژیمین رئال پروبلملری حل ائتمک اوزینه اعتراضلاری یاتیرماق اوچون حتی حکومتی استعفایا گؤندرمهسی بئله استثنا ائدیلمهمهلیدیر.
لاکن بوتون بونلار موجود پروبلملری حل ائتمیر. چونکی رژیم اؤزونو قوروماق اوچون بوتون واسطهلره ال آتیر و بو گون ایراندا باش وئرنلر ده ملا رژیمینین خالقین باشینا گتیردیی مصیبتلرین نتیجهسیدیر. بو مصیبت ایراندا انقلابدان سونرا باشلاندی.
ملا رژیمی اؤلکهنین ثروتلرینی ان تپهده دایانان رهبرلرین و رژیمین قورویوجوسو حساب اولونان سپاه-این الینده جمعلشدیرمهیه باشلادی. بو مقصدله بیرباشا دینی لیدرین ادارهچیلیینده اولان «فوندلار» – قوروملار یارادیلدی. مثال اوچون، سپاه-این نظارتیندهکی شرکتلر گوروپونو اداره ائدن «خاتم الانبیا» قرارگاهی، مالیه، نفت و تلهکمونیکاسییا شرکتلرینی بیرلشدیرن «امام خمینی امرینین اجراسی قرارگاهی» – ائیکو، اؤلکه اقتصادیاتینین بوتون سفرالاریندا پایا صاحب اولان «بنیاد مستضعفان» (مظلوملار وقفی) فوندو، «آستان قدس رضوی» و دیگر بو کیمی قوروملار ایرانین یئرالتی و یئراوستو ثروتلرینه نظارت ائدیر، الده اولونان یوزمیلیاردلارلا گلیر رژیمین ایکی اساس مقصدینه خرجلنیر.
بیرینجیسی، بیرباشا دینی لیدرین عائلهسی و «رژیمین خادملری و خدمتچیلرینین» لوکس حیاتینا صرف اولونور.
آچیق منبعلرده یاییلان معلوماتلار ایران رژیمینین عائله عضولرینین جاه-جلال ایچینده یاشادیغینی تصدیق ائدیر. ایران خالقی سوسیال پروبلملر منگنهسینده سیخیلارکهن، دینی لیدر خامنهای و رژیمین دیگر رهبرلرینین اؤولادلاری سؤزون گئرچک معناسیندا کئف ائدیرلر. مثال اوچون، خمینینین نتیجهسی یاسمین اشراقینین بیامو ماشینی و ۳۸۰۰ دلارلیق دولچه&گابانا برندیندن اولان چانتالارلا وئردیی پوز سوسیال مدیادا گئنیش یاییلیب. دیگر نتیجهسی زهرا اشراقینین ده «بوربری» و دیگر برندلردن استفاده ائتدیینه دایر فاکتلار وار. دینی لیدرین عائلهسی تهرانین شمالیندا یوکسک طبقهلی انسانلارین یاشادیغی «نیاوران» کوچهسینده - شاهین کئچمیش سارایینین یاخینلیغیندا دبدبهلی ویلادا حیات سورورلر.
سوسیال شبکهلرده «تهرانین زنگین اوشاقلاری» آدی ایله یاییلان ویدئو و فوتولار ایران رژیمینین اؤلکهنین ثروتینی نهیه خرجلدیینی چیلپاقلیغی ایله ثبوت ائدیر.
ایکینجیسی، ایرانین ثروتی رژیمین رگیون اؤلکهلرینده یاراتدیغی پروکسی قوهلره خرجلنیر.
انقلابدان سونرا رژیم «اسلام انقلابینین اخراجی» و «خمینیزمین یاییلماسی» مقصدیله رگیون اؤلکهلرینده «طرفدار» توپلاماغا باشلادی. سلاحلاندیریلان «طرفدارلار» هم ملا رژیمینی تبلیغ ائدیر، هم ده فعالیت گؤستردیکلری اؤلکهلرین ایرانا تابع ائتدیریلمهسی استقامتینده ایشلییردیلر. عراقدا حشد شعبی گروپلاشماسی، فلسطینده حماس، لبناندا حزبالله، یمنده حوثیلر، سوریادا نصیریلیلر(جبهه النصره) – اسد رژیمی و س.
ایران رژیمی بو گروپلاشمالارین فورمالاشدیریلماسی و ساخلانیلماسی اوچون یوزلرله میلیارد دلار وسایت خرجلهییب. بینالخالق مدیادا یاییلان معلوماتلارا گؤره، هر ایل حزبالله-ا ۱ میلیارد دلارا یاخین مالیه آیریلیر. سوریادا وطنداش محاربهسی باشلانماسیندان اعتباراً، ایران رژیمی اسد رژیمینین قورونماسی مقصدیله هر ایل ۶ میلیارد دلار اولماقلا ۵۰ میلیارد دلاردان چوخ وسایت خرجلهییب.
ایران رژیمی پروکسی قوهلرین یارادیلماسینی تکجه یاخین شرقله محدودلاشدیرماییب. هدف سئچیلهن اؤلکهلردن بیری ده آذربایجان ایدی. ناردارانی «دینی کانتون» کیمی نظارتده ساخلاماغا چالیشان ملا رژیمی آذربایجان داخلینده «مسلمان بیرلیی» حرکاتینی فورمالاشدیرمیشدی. ایراندا ایسه «آذربایجان حزبالله-ی» کیمی یارادیلان «حسینیون» ترور گروپلاشماسی اؤلکهمیزده «سلاحلی دستهلر» قورماق استقامتینده ایشلییردی. «مسلمان بیرلیی» حرکاتی آذربایجاندا کونستیتوسییا قورولوشونو دییشدیرمک جهدلری ائتدی، «حسینیون» گروپلاشماسی ایسه گنجه ترورو تؤرتدی. بونون فونوندا ملا رژیمی طرفیندن آذربایجان آودیتورییاسینا حسابلانمیش «سحر» کانالی و بو کیمی دیگر تبلیغات رسورسلاری قورولموشدو. لاکن ایران رژیمینین آذربایجانلا باغلی بوتون پلانلارینین قارشیسی آلیندی. آذربایجاندا یئنی «حزبالله» یاراتماق و کونستیتوسییا قورولوشونو دئویرمک جهدلری باش توتمایان ایران رژیمینین اونایللیکلردیر بسلهدیی پروکسی قوهلری ده داغیلمیش وضعیتدهدیر.
- سوریادا اسدین دئوریلمهسی ایله ملار رژیمینین بو اؤلکهده تأثیر امکانلاری صیفیرلاندی؛
- حماس-این سیاسی و حربی رهبرلیی سیرادان چیخاریلدی؛
- حزبالله سون محاربهدن سونرا جدی «قان ایتیریب» و تأثیر امکانلاری بؤیوک اؤلچوده ضعیفلهییب؛
- عراقدا حشد شعبی گروپلاشماسی اولکی کیمی «آت اوینادا» بیلمیر؛
- یمندهکی حوثیلرین ده سونو یاخینلاشماق اوزرهدیر؛
بئلهلیکله، ملا رژیمینین ایران خالقینین ثروتلرینی خرجلدیی پلانلاری آلت-اوست اولوب. پروکسی قوهلری داغیلاندان سونرا نؤوبه رژیمین اؤزونه چاتیب. آرتیق ایران خالقی چوروموش رژیمین اونلارا مخصوص ثروتین تالانماسینی قبول ائتمک ایستهمیرلر. ملا رژیمینین نه قدر چوروک اولدوغونو تصدیق ائدن عامللردن بیری ده ایران خالقینین «۱۲ گونلوک محاربه»دن سونرا دا اعتراضلارا داوام ائتمهسیدیر. حالبوکی، رژیم بو محاربهنی «خارجی دشمن» اوبرازی ایله خالقی اؤز اطرافینا جمعلهمک اوچون فورصت کیمی گؤروردو. حاضردا باش وئرن اعتراضلار ایسه ایران خالقینین رژیمدن خلاص اولماق ایستیینین تظاهرودور.
بوتون بونلار آذربایجاندا ایران سئودالیلارینین گووندیی، بیعت ائتدیی ملا رژیمینین گئرچک اوزونو و دوشدویو وضعیتی آیدین شکلده اورتایا چیخاریر. بو، خمینی بایراغی قالدیران و آذربایجانا قارشی چیخان خائنلره درس اولمالیدیر!
