آمریکا-نین ونزوئلادا حیاتا کئچیردیی ۲ ساعت ۲۰ دقیقه‌لیک خصوصی حربی عملیات نتیجه‌سینده قوندارما پرزیدنت نوکولاس مادورونون حبس اولوناراق بیرلشمیش اشتاتلارا آپاریلماسی بوتون دنیادا گئنیش مذاکره‌لر دوغوروب. مادورو، اوندان اول ایسه ونزوئلانین کئچمیش لیدری اوگو چاوس بین‌الخالق حقوقو آیاقلاری آلتینا آتمیشدی. بئله کی، ۲۰۰۹-جو ایل سنتیابرین ۱۰-دا اوگو چاوس ونزوئلا بولیوار رسپوبلیکاسینین قوندارما آبخازیا و جنوبی اوستیانین مستقللیینی تانیدیغینی اعلان ائد‌رک بئله دئمیشدی: «بیزیم آبخازییا و جنوبی اوستیانین مستقللیینی و سووئرنلیینی تانیماغیمیز تمامیله عدالتلی و ضروری قراردیر».

Axar.az خبر وئریر کی، بو سؤزلری پولیتولوق خاقانی جعفرلی قید ائدیب.

«چاوس بو آددیمی روسیانین او زمانکی پرزیدنتی دمیتری مدودیئوله دانیشیقلار زمانی آچیقلامیشدی. داها سونرا ۲۰۱۰-جو ایلین ایولون‌دا ونزوئلادا رسمی سفرده اولان آبخازیا نماینده هیئتینه ونزوئلا خارجی ایشلر ناظیرلیینین «آبخازیا رسپوبلیکاسی»نین مستقللیینین تانینماسی ایله باغلی رسمی نوتاسی تقدیم ائدیلمیش، دیپلماتیک علاقه‌لر قورولاراق بیر سیرا سازشلر ده امضالانمیشدی.

روسیا ایله بیرلیکده ۲۷ مارت ۲۰۱۴-جو ایلده بیرلشمیش ملتلر تشکیلاتی باش آسامبلیاسین‌دا اوکراینانین بوتون اراضی‌سی اوزرینده سووئرنلیینی تصدیق ائد‌ن و کریمین و سواستوپولون استاتوسونون دییشدیریلمه‌سینی رد ائد‌ن ۶۸/۲۶۲ سایلی قطعنامه‌نین علیه‌اینه سس وئرن ونزوئلا سوریا، سودان، کوبا، زیمبابوه، بلاروس، بولیویا، ارمنستان، نیکاراگوا و شمالی کورئیا ایله بیرلیکده کریمین اشغالینی دستکله‌یه‌ن آزسایلی اؤلکه‌لردن بیریدیر. کریمین اشغالینی دستکله‌یه‌ن سوریا و سودانین باشینا گلنلردن سونرا بئله گؤرونور کی، عدالتین تجللی سیراسی ونزوئلایا چاتیب»، - پولیتولوق بیلدیریب.

اونون سؤزلرینه گؤره، اوگو چاوس و نیکولاس مادورونون تؤرتدیی رپرسیالارا گؤره ونزوالا اهالیسنین ان آزی اوچده بیری اؤلکه‌دن قاچیب:

«بیرلشمیش ملتلر تشکیلاتی-نین بیر حساباتین‌دا قید ائدیلیردی کی، مادورو حاکمیته گلدیکدن سونرا سککیز میلیون انسان وطنینی ترک ائدیب.

تخمیناً اوچ ایل اول مادورو ونزوئلا ایله قونشو اولان قایانانین اراضسینین اوچده ایکی‌سینی تشکیل ائد‌ن، نفت، قیزیل و مس یاتاقلاری ایله اسکیبو آدلانان اراضییه ادعا ایر‌لی سوره‌رک، بو تورپاقلاری ونزوئلانین ۲۴-جو اشتاتی اعلان ائتدی. مادورونون گؤستریشی ایله حاضرلانان یئنی خریطه‌لرده همین اراضیلر ونزولانین سرحدلری داخیلینده گؤستریلیردی. روسیادان آلدیغی ۱۰ میلیارد دلارلیق سلاحلا قوشونلارینی سلاحلاندیرمیش مادورو گایانانین اوزرینه اردو گؤندردی. بایدن آدمینستراسییاسی چئویک رئاکسییا وئرره‌رک ونزوئلانی حربی مداخله ایله تهدید ائتدیکدن سونرا مادورو قوشونلارینی گایانا ایله سرحددن گئری چکمک مجبوریتینده قالدی.

بوتون بونلار ونزولادا ۱۹۹۹-جو ایلدن برقرار اولموش رژیمین نه قدر آنتی‌بشری اولماقلا یاناشی، بین‌الخالق حقوق‌دان کناردا اولدوغونو تصدیقلییر. نیکولاس مادورو دولت حاکمیتینی غصب ائتمیش غولدور ایدی. بونا گؤره بین‌الخالق حقوق اونا توخونولمازلیق وئره بیلمز. بشریت یالنیز بیر شیه - عدالتین بئله گئج تجللی ائتمه‌سینه گؤره ناراحات اولمالی‌دیر. هئچ شبهه‌سیز کی، عدالتین تجللی سیراسی روسیایا دا چاتاجاق. هله‌لیک ایسه بئله گؤرونور کی، ونزوئلادان سونرا سیراداکی ایراندیر».