ایران‌دا داوام ائد‌ن اعتراضلار فونوندا آمریکانین حربی مداخله‌یه ال آتاجاغی حاقدا گؤزلنتیلر آکتواللاشیر. اسرائیلین «ایران بالستیک راکت ایستئهسالینا یئنی‌دن باشلاییر» آچیقلامالاری، ترامپین «اعتراضچیلار اؤلدورولرسه، مداخله ائدجییک» خبردارلیقلاری، آمریکا حربی طیاره‌لری و خصوصی تعینات‌لی قوه‌لرینین ۱۲ گونلوک محاربه‌دن اؤنجه اولدوغو کیمی، یئنه بؤیوک بریتانیا و آلمانیایا کؤچورولمه‌سی حاق‌دا یاییلان معلوماتلار و رسپوبلیکاچی سناتورلارین چاغیریشلاری دقتی بو استقامته یؤنلدیر.

۱۲ گونلوک محاربه‌ده ایرانین نووه اوبیکتلرینی، ادعا ائدیلدیی کیمی، تمامیله محو ائتمیین ممکن اولماماسی و تهرانین پروگرام‌دان امتنا ائتمه‌مه‌سی حربی مدایله سناری‌سینی یئنی‌دن اؤن پلانا چیخارمیشدی. ایران آوروپا ایله آلترناتیو نووه دانیشیقلاری ماساسی قورماغا چالیش‌دی، آردینجا واشینگتونا «عدالتلی دانیشیقلار» تکلیفی گؤندردی. هر ایکی جهدین نتیجه‌سیز قالماسی فونوندا نووه مسئله‌سی ایله باغلی دیپلماتیک حل واریانتلاری یئرینی حربی سناریلره وئریر.

لاکین ایرانا حربی مداخله‌نین ایندی – داخل‌ده اعتراضلارین دالغاواری شکیل‌ده بؤیودویو واخت ائدیلمه‌سی احتمالی بیرمه‌نالی قارشی‌لانمیر. چونکی آمریکانین ممکن حربی مداخله‌سی رژیمین خالق اعتراضینا قارشی زوراکی‌لیغی کلاسیک «خارجی دوشمن» تبلیغاتی ایله لگیتیملشدیرمک امکانلارینی گوجلندیره بیلر. آرتیق ترامپین خبردارلیغی بو تبلیغات‌دا گئنیش استفاده اولونور. هرچند، بورادا آمریکانین اعتراضچیلارین سیماسیندا «ایران خالقینین خلاصکاری» کیمی مداخله ائتمه‌سی دتالی اهمیت‌لیدیر.

۱۲ گونلوک محاربه‌ده ایران‌دا رژیمی دییشمیین ممکن اولماماسی اسرائیلین آمریکانی راضی سالا بیلمه‌مه‌سیندن داها چوخ، بئله بیر شرایطین یوخلوغوندان قایناقلانیردی و خالق بونو اؤلکه‌یه مداخله کیمی قبول ائتدیی اوچون حاکمیتین اطرافین‌دا بیرلشدی، حتی رژیم علئیهدارلاری دا یا چوخلوغا قوشولدو، یا دا سس‌سیز قالماغا اوستونلوک وئردی. موجود شرطلرده - اعتراضلارین زوراکی‌لیقلا اوزلشدیی، اینسانلارین اؤلدورولدویو واخت‌دا حربی مداخله ایران‌دا خالق طرفیندن نووه اوبیکتلرینه ضربه یوخ، اونلاری رژیم‌دن قوروماق کیمی قبول ائدیله و دستک‌لنه بیلر. بو کونتکستده واشینگتنون ۱۲ گونلوک محاربه‌نین «درسلرینه» استنادن، حربی مداخله سناری‌سینی «خالقین خلاصکاری» اوبرازیندا تطبیق ائتمه‌سی احتمالی گوجلنیر.