پهلویلرین ایران‌دا یئنی‌دن حاکمیته گلمه‌سی رئال گؤرونمور. بونون اساس سببی پهلوی حاکمیتینین ۴۶ ایل اوله قدر موجود اولماسی و همین دورده یول وئریلن جدی سیاسی سهولر، باجاریق‌سیز اداره‌چی‌لیک و آوتوریتار اصوللارین خالقین یادداشین‌دا قالماسی‌دیر.

بو سؤزلری Axar.az-آ آچیقلاماسین‌دا تبریزلی پولیتولوگ علیرضا زمانی دئییب.

اونون سؤزلرینه گؤره، خصوصیله ایرانین یاش‌لی نسلی همین دورده حاکمیتین خالقا قارشی قدار مناسبتینی یاخشی خاطرلاییر:

«دیگر طرف‌دن، پهلویلرین حاکمیته قاییتماسی اوچون جمعیتین بوتون طبقه‌لرینین دستیی لازیم‌دیر. بو ایسه ایران‌دا مشاهده اولونمور. ائتنیک گروپلار و غیری-فارس خالقلار اونلارین یئنی‌دن اقتدارا گلمه‌سینه قارشی‌دیر و بونو اؤز حقوقلارینا چاتماق یولوندا مانعه حساب ائدیرلر. پهلویلرین پان‌ایرانیزم و پانفارسیزم ایدئولوگیاسینا باغلی‌لیغی هم ده آذربایجان‌لیلار اوچون امیدلرین پوچا چیخماسی دئمک‌دیر. پهلویلرین سون نماینده‌سی رضا پهلوینین سیاسی چکی‌سی ده کفایت قدر گوج‌لو دئییل. او، مختلف سیاسی قوه‌لری اؤز اطرافیندا بیرلشدیره بیلمیر. سون ۴۶ ایل عرضینده خاریج‌ده یاشامالارینا و جدی مالیه امکانلارینا مالیک اولمالارینا باخمایاراق، واحد و تأثیرلی سیاسی حرکات فورمالاشدیرا بیلمه‌ییبلر».

علیرضا زمانی بیلدیریب کی، بو گون ایران جمعیتین‌ده منارخیا سیستمینه جدی ناراضی‌لیق موجوددور:

«خالق بیر مونارخیادان خلاص اولوب باشقا بیر منارخیا دیکتاتوراسینا دوشمه‌یه راضی اولماز. اعتراض آکسیالارین‌دا بعضاً پهلویلرین آدینین سسله‌نمه‌سی ایسه مقصدلی سیاستین نتیجه‌سی‌دیر. بعضی حاللاردا بو موضوع ایران رژیمی طرفین‌دن قصداً قاباردیلیر. چونکی ضعیف و پرسپئکتیوسیز سیاسی فیگورون اؤنه چکیلمه‌سی رئال مخالیفتین گوجله‌نمه‌سینین قارشی‌سینی آلیر.

پهلوی طرفدارلارینین خاریج‌ده فعالیت گؤستره‌ن مئدیا رئسورسلاری و باهالی تبلیغات واسطه‌لری اولسا دا، بو فعالیت جمعیت طرفیندن قبول ائدیلمیر و جدی تأثیر گوجونه مالیک دئییل. پهلویلرین خاریجی دستک حسابینا حاکمیته گتیریلمه‌سی ایسه ایران‌دا داها بؤیوک تهلوکه‌لر یارادا بیلر. خالق مجاهدلری، دینی گروپلار و ائتنیک سیاسی قوه‌لر بونا قارشی چیخاجاغی اوچون اؤلکه‌ده پارچالانما و وطنداش محاربه‌سی ریسکی آرتا بیلر. بئله بیر سناری نه ایرانین اؤزونه، نه رگیونا، نه ده غرب اؤلکه‌لرینه صرف ائدیر. ایران‌دا یاراناجاق خاوس کوتلوی میقراسیایا سبب اولا بیلر. ۹۰ میلیونلوق اهالی‌سی و نیسبتاً داها یاخشی مادی امکانلاری اولان ایران وطنداشلارینین اؤلکه‌نی ترک ائتمه‌سی آوروپادا جدی میگرانت بحرانی یارادا بیله‌جک تهلوکه کیمی قیمتلندیریلیر».