واشینگتن‌داکی دایره‌لر آنلامالیدیرلار کی، گونی آذربایجان ملا رژیمینین پهلوی سلاله‌سی ایله اوز اولونماسینین علیهینه‌دیر. تبریزده، اردبیل‌ده و گونئی آذربایجانین دیگر شهرلرین‌ده سس‌لنن «آذربایجان شرفدیر، پهلوی بیشرف‌دیر» شعارینین منطیقینی آمریکانین سیاسی و اکسپرت دایره‌لری باشا دوشمه‌لیدیر.

Axar.az خبر وئریر کی، بو سؤزلری پولیتولوگ الخان شاهین‌اوغلو دئییب.

«ایران‌داکی رژیمین بودفعه‌کی اعتراضلاری دا زور گوجونه یاتیرتماسی احتمالی وار. آنجاق جین شوشه‌دن چیخیب و سون اعتراضلار گؤستریر کی، ایران‌دا گئری دؤنوشو ممکن اولمایان پروسسلر باشلاییب. آمریکالی اکسپرتلردن بیری رضا پهلوی‌نین ایران اهالی‌سینین ۳۵ فایزینین دستیینه مالیک اولدوغونو سؤیله‌ییب. همین اکسپرتین بو رقمی نیه اساساً سسلندیردیی سوال دوغورور. چونکی ایران اهالی‌سی آراسیندا «سیز رضا پهلوینی دستکلییرسینیزمی» سوالییلا سورغو کئچیرمک ممکن دئییل. بونا باخمایاراق، ایران‌دا پهلوی دورونون حسرتیله یاشایانلارین وارلیغینی اؤزوم ده مشاهده ائتمیشه‌م، ایللر اؤنجه تهران‌دا ایکن صحبت ائتدییم یئرلی وطنداشلارین بیر قیسمی، او جمله‌دن تاکسی سوروجولرینین پهلوی حاقیندا مثبت فکرلرینی دینلمیشه‌م. حالبوکی پهلوی رژیمی ایران‌دا یاشایان خالقلارا ایندیکی رژیم‌دن آز ظلم ائتمه‌ییب. آنجاق رئال‌لیقلا حسابلاشمالیییق. غرب‌ده ملا رژیمینین آلترناتیوی کیمی رضا پهلوینی قبول ائدیرلر. او، سون درجه فعال‌دیر. ایران‌دا ۲۰۲۳-جو ایلده اعتراضلار اولان‌دا دا رضا پهلوی فعاللاشمیش‌دی. او، اولجه واشینگتن‌دا فوروم کئچیرمیش، بوندان بیر نئچه گون سونرا ایسه مونحن تهلوکه‌سیزلیک کنفرانسینا دعوت آلمیشدی»، - او بیلدیریب.

پولیتولوگ قید ائدیب کی، بوتون حاللاردا ایران‌دا یاشایان آذربایجانلیلار اوچون رضا پهلوینین ایندیکی ملا رژیمین‌دن فرقی یوخدور:

«اونا گؤره ده آذربایجان‌لیلار رضا پهلوینین حاکمیته قایتاریلماسینی ایستمیرلر. رضا پهلوی آچیقلامالاریندا بیلدیریب کی، ایران‌دا حاکمیته گلرسه، دموکراتیک سئچکی کئچیره‌جک. آذربایجانلیلار اونون بو وعدینه اینانمیرلار. پهلویلرین گئری دؤنوشو ایران‌دا مرکزدن قاچما میل‌لرینی گوجلندیره‌جک. بونون ایسه وطنداش محاربه‌سی ایله مشاهده اولوناجاغی، قونشو عراق و سوریاداکی پروسسلرین تکرارلانماسی تهلوکه‌سی یاراناجاغی احتمالی چوخ‌یوکسک‌دیر».