آمریکا پرزیدنتی دونالد ترامپ دونن محافظه‌کار ژورنالیست هیو هئویتته وئردیی مصاحیبه‌سینده ایرانین سابق شاه‌زاده‌سی رضا پهلوی ایله گؤروشمیجه‌یینی بیلدیردی. او، بونون سببینی ترامپا یاراشمایاجاق درجه‌ده اینجه بیر ایهاملا پهلوینین ایرانداکی پروسئسلره جدی تأثیر ائدجیینه اینانماماسی ایله اساسلاندیردی: «دوشونوره‌م کی، هر کسین اورتایا چیخیب اؤزونون اصل لیدر اولدوغونو تصدیقله‌مه‌سینه امکان وئرمه‌لیییک. اونونلا دانیشیقلارین آپاریلماسینین مقصده اویغون اولوب-اولمایاجاغینا امین دئییلم».

Axar.az خبر وئریر کی، بو سؤزلری پولیتولوگ حیدر اوغوز بیلدیریب.

اونون سؤزلرینه گؤره، ترامپ باشقا بیر قوه‌نین اورتایا چیخیب پروسسه رهبرلیک ائتمه‌سینی گؤزله‌ییر:

«بس، اونون گؤزله‌دیی قوه کیم‌دیر؟ ترامپین گؤزله‌دیی بو اسرارانگیز قوه ایران تورکلری‌دیر، یعنی بیزیم کلاسیک عباره‌میزله دئسک، گونئی آذربایجان‌لیلار.
مسئله بوراسیندادیر کی، آمریکا همیشه گونئیلی سویداشلاریمیزا ایران‌دا اویون ده‌ییشدیریجی آکتور کیمی باخیب. حتی بضا ائله اولوب کی، گونئی آذربایجان تورکلرینین انقلابی پروسسلره حاضر اولمادیغینی نظره آلیب ایرانا مداخیله پلانلارینی بئله تاخیره سالیب. بئله تاخیره‌سالمالاردان بیری ۲۰۱۲-جی ایلده یاشانیب. سر دئییل کی، ۲۰۱۱-۲۰۱۲-جی ایللرده ده ایندیکی کیمی، اسراپیل باش ناظری نتانیاهو و آمریکاداکی یهودی لوببیسی ایرانا حربی مداخیله باره‌ده دوشونور و واشینگتونو اؤز یانینا آلماغا چالیشیردی. ادعالارا گؤره، نتانیاهونون ایرانا هجوم پلانی آمریکانین مداخیله‌سی ایله ان آزی ۳ دفعه تاخیره سالینمیشدی. آمریکانین ایرانا حربی مداخیله‌یه ایستک‌سیزلییی ۲۰۱۲-جی ایلین آپرئل آییندا واشینگتون‌دا کئچیریلن گلوبال تهلوکه‌سیزلیک-۲۰۱۲ فورومون‌دا (گلوبال سکوریتی فوروم ۲۰۱۲) اورتایا چیخمیشدی. فوروم‌دا چیخیش ائد‌ن آمریکانین ان اونلو استراتگلریندن اولان و ۱۹۷۷-۱۹۸۱-جی ایللرده پرزیدنت جیمی کارترین ملی مسئله‌لر اوزره مشاوری وظیفه‌سین‌ده چالیشان زبیگنو بژزینسکی بو فیکره قارشی چیخمیش، اؤز موقئعینی بیر نئچه آرگومئنتله اساسلاندیرمیشدی. بژئزینسکینین فیکرینجه، ایرانا قارشی «پلانلاشدیریلمامیش هجوم» هر شئی‌دن اؤنجه، قونشو دولتلره، او جمله‌دن آذربایجانا داغینتیلار گتیره بیلردی.

«مثلاً، آذربایجان‌دا بو، غربین انرژی ماراقلارینی بؤیوک ضربه آلتینا قویا بیلر»، - بژزینسکی باکی-تفلیس-جحیان نفت کمری خطینی نظرده توتاراق دئمیشدی: «ایران اونون اطرافیندا گرگینلیین آرتماسی فونون‌دا بیر مدت‌دیر کی، آذربایجانین نبضینی یوخلاماغا باشلاییب و تأسف کی، بو اویونلار سنگیمک بیلمیر».

یستراتگ ائله حساب ائدیردی کی، ایرانا قارشی مومکون حربی عملیاتلار جنوبی قافقازدا محاربه اوجاقلارینی یئنی‌دن آلوولاندیرا بیلر: «خصوصیله روسییا بو وضعیت‌دن گورجوستانا قارشی نوبتی هجوم اوچون مطلق یارارلاناجاق. بیزه معلوم‌دور کی، روسلار سون ایکی آیدا گورجوستان اراضی‌سینده حربی اویونلار کئچیرمکله - عضله نمایشی ایله مشغولدورلار. صلح شرایطینده بئله تدبیرلر بلکه ده مقبول‌دور، آنجاق عادی بیر رئگیونال قیغیلجیم بو اویونلاری رئال حربی عملیاتلارا چئویره بیلر».

بژزینسکی اونو دا وورغولامیشدی کی، قافقازدا اسلام‌چیلارین گوجله‌نمه‌سی ده تهرانین الینده واسطه‌یه چئوریلیب و بوندان استفاده ائد‌رک، باکینین گؤزونون اودونو آلماغا چالیشیر.

استراتگین ایر‌لی سوردویو ایگر واجیب بیر عامل ایسه ایران آذربایجان‌لیلاری ایله باغلی ایدی.

«تأسف کی، اونلار ایندی حادثه‌لرین چرخینی دؤندرمک اقتداریندا دئییللر، آنجاق اؤلکه داخیلینده پروسسلره تأثیر ائد‌جک قدر بؤیوک سایا مالیکدیرلر»، - برژزینسکی همین چیخیشیندا وورغولامیشدی.

ایراندا حاکمیت دییشیکلیی‌نین مومکونلویو باره‌ده سپوالا جواب‌دا ایسه او، بیان ائتمیشدی کی، بیرلشمیش اشتاتلار «رژیملری دییشمک سیاستیندن اوزاق دورمالی‌دیر، بو، خالقلارین داخیلی ایشی‌دیر».

او واختدان بو یانا ۱۳ ایلده‌ن چوخ واخت کئچیب. آرتیق بژزینسکینین ایر‌لی سوردویو سیتواسییا بؤیوک اؤلچوده تاریخه قوووشوب. حتی دئیردیم کی، آذربایجانین ۲۰۲۰-جی ایلده قاراباغ اوغروندا ساواشین‌دا آمریکانین ارمنیلری دستکله‌مه‌مه‌سینین آلتیندا یاتان اصل مقصد ده بونونلا باغلی اولا بیلر – ایرانین مللا رژیمیندن گلن تهلوکه‌نین قارشیسینی واختیندا آلماق. گؤرونور، ایران رژیمی ده محض بو عاملی نظره آلیب ۲-جی قاراباغ دؤیوشلرینده یاخاسینی جیریب جنوبی قافقازین «گئوپولیتیک سرحدلرینین دییشیلمه‌سینه» امکان وئرمیجه‌یینی بیلدیریر، زنگزور دهلیزینی «قیرمیزی جیزگیسی» اعلان ائدیردی. ایندی ایرانین همین «قیرمیزی جیزگی‌سینده» هر آن اونون باشینا «دمیر یومروغو» ائندیرمه‌یه آماده دایانان ترامپ اراده‌سی اوتوروب. اؤزو ده ایرانین «مین ایللیک قارداش» اعلان ائتدیی ارمنستان اراضی‌سینده.
بوتون بو عامللر آمریکانین حقیقتا ده ایرانداکی پروسسلری دییشدیرمه‌یه حاضر اولدوغونو گؤستریر. چاتیشمایان یگانه شئی ایسه جنوبی آذربایجان تورکلرینین آکتیولییی‌دیر. آلینان سون معلوماتلارا گؤره ایسه آرتیق جنوبی آذربایجان دا اویانیر. بیر سؤزله، مللانین ایشی اللها قالیب».