خامنه‌ای دئیه‌سن چوخ قوجالیب. حاکمیته نئجه گلدیکلرینی اونودوب. آدام بیر طرفدن «بیز قانلا گلمیشیک، خوشلوقلا دا گئدن دئییلیک» دئییر. طبیعی کی، بو سؤزون بیر باشقا آنلامی «قانلا گلمیشیک، قانلا دا گئدجییک» دئمکدیر. اما قانلا نئجه گلدیکلری دئیه‌سن قوجا آیتوللاهین یادیندان تمام چیخیب. اگر بئله‌دیرسه، اونا بیر تاریخی فاکتی خاطرلاتماغی اؤز مسلمان بورجوموز حساب ائدیریک.

Axar.az خبر وئریر کی، بونو پولیتولوگ حیدر اوغوز بیلدیریب.

«تاریخی فاکتلار گؤستریر کی، رضا پهلوینین دئوریلمه‌سینین اصل سببی اعتراضچیلاری آجیمازسیزجاسینا قتله یئتیرمه‌سی اولموشدور. زیرا بو قتل عاملار ایران خالقینی نینکی قورخوتمادی، عکسینه، هر قتله یئتیریلن انسانین ۴۰ مراسمی داها گئنیش خالق کوتله‌لرینین میدانلارا آخیشماسینا سبب اولدو. محض بو مراسیملر سایه‌سینده هر ۴۰ گوندن بیر دوزه‌نلنن و گئتدیکجه بؤیوین اعتراض دالغالاری سوندا پهلوی خاندانینین ییخیلماسی ایله نتیجه‌لندی.

گؤرونن بودور کی، خامنه‌ای «حضرتلری» ایندی ده بو «۴۰ گوندن بیر» دؤنگوسونو اؤز خاندانینین ویران قالماسی اوچون تکرارلاییر»، - دئیه پولیتولوگ علاوه ائدیب.

قید ائدک کی، ایران‌دا ۲۸ دکابر ۲۰۲۵-جی ایلده‌ن اقتصادی وضعیتین آغیرلیغینا و دوللارین کسکین باهالاشماسینا اعتراض اولاراق کوتلوی آکسیالار کئچیریلیر. حاکمیت آکسیاچیلارا قارشی سرت جزا تدبیرلری گؤرور. ایندییه‌دن مین‌دن چوخ آکسیاچینین قتله یئتیریلدیی بیلدیریلیر.