اؤلکه‌میزی اداره ائد‌ن قانونسوز، کوروپسیالاشمیش و قانلی دینی دیکتاتورایا سون قویولماسی و اؤلکه خالقینین هر هانسی بیر خارجی مداخله اولمادان اؤز تالعی اوزرینده سوورنلییه صاحب اولماسینی طلب ائدیریک.

Axar.az خبر وئریر کی، بو ایران‌دا یاشایان تانینمیش عالیم، سوسیولوگ، اونیورسیتت معلمی و سیاسی فعاللارین یایدیغی بیاناتدا دئییلیب.

بیانات مؤلفلری اعتراضچیلارین اؤلدورولمه‌سینی پیسله‌ییب و علی خامنه‌ای‌نین استعفا وئرمه‌سینی و یا وظیفه‌دن کنارلاشدیریلماسی طلب ائدیبلر.

فاطمه شمس، رضا علیجانی، محمد علی کدیور، عبدلعلی بازرگان، سروش، حسین دباق و حسن یوسفی اشکوری کیمی تانینمیش شخصیتلرین امضالادیغی بیانات‌دا ایران رهبری علی خامنه‌ای وطنداشلارین سسینی دینله‌مه‌مکده اتهام اولونوب:

"حاکم دینی دیکتاتورانین مطلق حکمداری و ابدی لیدری اولان علی خامنه‌ای قان تؤکمک عوضینه، ایرانین مدافعه‌سیز خالقینین سسینی دینله‌یه‌رک استعفا وئرمه‌لی و یا وظیفه‌دن کنارلاشدیریلمالیدیر. بو باش وئردیی تقدیرده، دنیوی حکومتین و خالقین طلبلرینی یئرینه یئتیره‌ن حکومتین ایش باشینا گلمه‌سی رئاللاشاجاق. عینی حال‌دا ملی آلترناتیوین یارادیلماسی، رفرندوم کئچیریلمه‌سی، تاسیس‌چیلر مجلسینین قورولماسی و یئنی کونستیتوسییانین یازیلماسی ممکن اولاجاق."