ایرانا حربی مداخیله احتمالی هله ده یوکسک سویه‌ده‌دیر: ترامپ داووسدان قاییدارکن هجوم پلانینین آکتوال اولدوغونو وورغولادی؛ آمریکانین ضربه گروپلارینی داشییان «آبراهام لینکلن» گمی‌سی ایله یاناشی، ان آزی آلتی «ج-۱۷ا گلوبماستئر III» حربی-نقلیات طیاره‌سینی یاخین شرقه گؤندردیی حاق‌دا معلومات یاییلیب، نوبتی آی عرضینده ۲۴ ساعت حاضرلیق امرینین وئریلدیی سئنتکوم رهبری ایسه اسرائیل اوردوسونون باش قرارگاه رئیس ایله گؤروشوب؛ اسرائیل مئدیاسی بو هفته ایرانا هجوم حاضرلیغین‌دا حل ائدیجی دؤور اولدوغونو یازیر؛ «اسرائیل هیوم» نشری آمریکاین ایران‌دا خامنه‌ای ده داخل اولماقلا، پوتنسیال هدفلرینی آچیقلاییب.

بونون فونون‌دا تورکیه‌نین ایران‌دا ممکن محاربه‌یه حاضرلیغی حاق‌دا یاییلان معلوماتلار دقت چکیر. معلوماتلارا گؤره، محاربه اولاجاغی تقدیرده تورکیه میقرانتلارین ممکن قدر ایران اراضی‌سین‌ده ساخلانیلماسی مقصدیله سرحدده «بوفئر زونا» یاراتماغی پلانلاشدیریر. خاریجی ایشلر ناظرلیینین پارلامنتین خاریجی علاقه‌لر کمیسیاسینا تقدیم ائتدیی مخفی حسابات‌دا آ، ب و ج اولماقلا، اوچ پلانین حاضرلاندیغی دئییلیر.

۱۲ گونلوک محاربه و سون اعتراضلار زمانی ایران‌دان تورکیه‌یه آخینین اولماسی فونون‌دا آنکارانین حاضرلیق پلانی آنلاشیلاندیر. حادثه‌لرین ممکن انکشافی آذربایجانین دا آنالوژی وضعیته حاضرلیغی ضرورتینی یارادیر. هرچند، بیر طرف‌ده گونئی‌لیلرین تهلوکه‌سیزلییی، دیگر طرف‌ده قاچقین آخینینین یارادا بیلجیی هومانیتار پروبلملر باکینی دیلما ایله اوز-اوزه قویا بیلر. هم سویداشلاریمیزین تهلوکسیزلیینین تعمین ائدیلمه‌سی، هم ده هومانیتار پروبلمین مینیمال حده ساخلانیلماسینین ایکی ممکن یولو گؤرونور.

بیرینجی‌سی، گئنیش مقیاس‌لی محاربه اولاجاغی تقدیرده سرحدده «بوفر زونا»نین یارادیلماسی و سویداشلاریمیزین قارشیلاشا بیلجیی هومانیتار پروبلملرین حلینه یاردیم ائتمک؛
ایکینجی‌سی، آمریکا و اسرائیلی گونئی آذربایجان شهرلرینی هدفه آلماماسینا، خصوصیله مولکی اهالیه تهلوکه یاراداجاق آددیملارین آتیلماماسینا راضی سالماق: ۱۲ گونلوک محاربه‌ده باکی‌نین سویداشلاریمیزین تهلوکه‌سیزلییی ایله باغلی تل-اویودن خواهیش ائتدیی حاق‌دا معلوماتلار واردی؛

سویداشلاریمیزین تهلوکسیزلیینین ماکسیموم تعمین ائدیلمه‌سی شرطیله گونئیی ترک ائتمه‌مه‌سی ممکن محاربه‌دن سونرا ایرانین احتمال اولونان گلجیین‌ده یئر آلمالاری و اؤز ماراقلارینی تعمین ائتمه‌سی باخیمیندان دا اهمیتلیدیر.