آذربایجان دانیشیقلار زامانی ارمنستان کونستیتوسییاسیندا دییشیک‌لیک طلب ائتمیر، اما موجود مدعالار قالاجاغی تقدیرده صلح مقاویله‌سی امضالامایاجاغی باره‌ده خبردارلیق ائدیب.

Axar.az خبر وئریر کی، بو باره‌ده ارمنستان خارجی ایشلر ناظری آرارات میرزویان بیلدیریب.

"آذربایجان طرفیندن ارمنستان کونستیتوسییاسینین دییشدیریلمه‌سی ایله باغلی بیرباشا طلب یوخدور. اما باشقا مسئله‌لر وار، بو باره‌ده طرفلر آچیق شکیلده دانیشیرلار. ارمنستان آذربایجانلا کونستیتوسییانین دییشدیریلمه‌سینی مذاکیره ائده بیلمیجه‌یینی بیان ائتدیک‌ده، قارشی طرف بونو قبول ائدیر، اما علاوه ائدیر کی، ارمنستان کونستیتوسییاسینداکی بعضی موجود مدعالار قالارسا، صلح مقاویله‌سینی امضالاماغی پلانلاشدیرمیرلار"، - قید ائدیب.

قید ائدک کی، ارمنستان باش ناظری نیکول پاشینیان بوندان اول اؤلکه‌سینین آذربایجانا قارشی اراضی ادعاسینین یئر آلدیغی مستقیل‌لیک بیاننامه‌سینی صلحه تهلکه آدلاندیریب. اونون سؤزلرینه گؤره، یئنی کونستیتوسییادا وستقیل‌لیک بیاننامه‌سینه استنادلار اولمامالی‌دیر، چونکی بو، مناقیشه ریسکی یارادیر. بیاننانین مدعالاریندان بیری "ارمنستانین قاراباغلا بیرلشمه‌سی"نی نظرده توتور، آذربایجان بونا قارشی چیخیب. همین مقامین کونستیتوسییادان چیخاریلماسی صلح مقاویله‌سینین امضالانماسی اوچون رسمی باکینین اساس و سون طلبی‌دیر.