اسلام رسپوبلیکاسینین سرت خط حرکاتینا یاخین شخص اولان علی اکبر رائفی‌پور آنا دیلی تحصیلی پلانینا هجوم ائد‌رک اونو "ایرانین فدراللاشدیریلماسی" استیقامتینده تهلوکه‌لی آددیم کیمی کاراکئریزه ائدیب و پارلامئنت‌دن مسئله‌یه رئاکسییا وئرمه‌سینی ایسته‌ییب.

Axar.az خبر وئریر کی، رائفی‌پور بو باره‌ده اؤزونون ایکس سوسیال مئدیا حسابین‌دا پایلاشیم ائدیب.

"حکومتین آنا دیلینده تدریس پلانی ایرانین فدراللاشدیریلماسی استیقامتینده چوخ تهلوکه‌لی بیر آددیم‌دیر!"،- او یازیب.

رائفی‌پور پارلامئنت عضولرینین سوسقونلوغونو تنقید ائد‌رک اونلاردان سوروشوب:

"بیلمیرم نیه هئچ کیم سسینی چیخارمیر؟ پارلامئنت هارادادیر؟ بو سکوت دا کونسئنسوسا اویغوندورمو؟ کونسئنسوس نه‌یین باهاسینا اولور؟".

سرت خط تبلیغاتچی‌سی همچینین ادعا ائدیب کی، "مسعود پزشکیان حتی حسن روحانی حکومتینین بئله تصوور ائده بیلمیجه‌یی قدر سرعتلی آددیملار آتیر".

علی‌اکبر رائفی‌پور داها سونرا، "اؤلکه‌نین بوتؤولویونو شوبهه آلتینا آلان" هئچ بیر آددیما قارشی سوسمایاجاغی ایله هده‌له‌ییب.

بو آچیقلامالار آنا دیلینده تحصیلین آذربایجان تورکلرینین و ایرانداکی دیگر اتنیک گروپلارین اوزون مدت‌دیر طلب ائتدیی بیر واختا تصادف ائدیر.

قید ائدک کی، ۲۰۲۵-جی ایلین فورال آییندا ایران پارلامئنتی مکتبلرده هفته‌ده ایکی ساعت آنا دیلینده ادبیات تدریسی پلانینی رد ائدیب. همین واخت پزشکیان حکومتی فارس دیلی ایله یاناشی آنا دیللرینین تدی‌سینی دستکله‌دیینی آچیقلامیشدی. حکومت سؤزچوسو فاطمه مهاجرانی وورغولامیشدی کی، بو دستک آنا دیلینده "تدریس" دئمک دئییل، یالنیز خایقلارین و اتنیک گروپلارین دیللرینده بیر نئچه ساعت ادبیات تدریس ائتمک دئمک‌دیر.

اکسپرتلرین فیکرینجه، رائفی‌پور سون آچیقلامالاریندا باغلی قالان و پزشکیان حکومتینین حیاتا کئچیرمه‌دیی پلانی شیشیرتمکله مرکزچی سیستمین اموسییالارینی قیجیقلاندیرماغا چالیشیر.

خاطیرلاداق کی، ایندییه قدر آنا دیلینده تحصیل و یا آنا دیلینین اؤیرنیلمه‌سی اوچون حکومتین یئنی پلانینین رسمی تفرعاتلاری تصدیقله‌نمه‌ییب.