زنگزور دهلیزی شرق-غرب نقلیات دهلیزینین بیر قولو اولاجاق.

Axar.az خبر وئریر کی، بونو پرزیدنت الهام علیئو آذربایجان تلویزیاسینا مصاحبه زمانی بیلدیریب.

"بو یولون اهمیتی دئدییم کیمی، تکجه آذربایجان اوچون یوخ، گئنیش جغرافیا اوچون اولاجاق. چونکی قید ائتدییم کیمی، بو، شرق-قرب نقلیات دهلیزینین بیر قولو اولاجاق. عینی زمان‌دا، شمال-جنوب نقلیات دهلیزینین بیر قولو اولاجاق. چونکی بو گون شمال-جنوب نقلیات دهلیزی دئینده عادتا روسیا-آذربایجان-ایران، یعنی آستارایا کئچید، آستارا-رشت ایران اراضی‌سینده لایحه نظرده توتولور"، - پرزیدنت وورغولاییب.

آذربایجان پرزیدنتی بیلدیریب کی، آذربایجان اراضی‌سینده بو لایحه حاضردیر: "اما زنگزور دهلیزی آچیلاندان سونرا آرتیق آذربایجان‌دان ایرانا ایکینجی دمیر یولو خطی آچیلاجاقدیر. محض زنگزور دهلیزیندن ناخچیوانا گیره‌رک و جلفا دمیریول منطقه‌سیندن ایرانا دمیر یولو وار. یعنی بو لایحه داها تئز رئاللاشا بیلر. شمال-جنوب نقلیات دهلیزی فارس کؤرفزینه استقامتلندیریلیر. اورادان او بؤلگه‌یه یاخین اولان، مثلاً، پاکستانا اوزانا بیلر. یعنی بو، چوخ اؤنملی بیر نقلیات لایحه‌سی اولاجاقدیر و بونون مرکزینده ناخچیوان دایانیر.

اونا گؤره بو گون ایستراتژی نقطه نظریندن، بوندان اول دئدییم عامللرله یاناشی، بو عامل ده چوخ اؤنملی رول اویناییر. البته کی، بورادان کئچن توتاق کی، ۱۵ میلیون تن، بلکه داها چوخ یوک داها بؤیوک جانلانمایا گتیریب چیخاراجاق. داها چوخ ایش یئرلری آچیلاجاق، اقتصادی فعاللیق آرتاجاق و ناخچیوان دئیه بیلره‌م کی، عوض اولونماز نقلیات مرکزلرینین بیرینه چئوریله‌جکدیر. بو، تام ممکن‌دور.

هامیمیز یاخشی بیلیریک، دفعه‌لرله بو باره‌ده دانیشمیشیق، اؤلکه‌میزین آچیق دنیزلره چیخیشی یوخدور، اوکیانلارا چیخیشی یوخدور. اما بو گون آوراسییا نقلیات دهلیزلرینین اجراسی مسئله‌لری مذاکره اولوناندا بیزی "باپاس" ائتمک، بیزدن یان کئچمک ممکن دئییل. باخ، ناخچیوانین دا عینی گلجیی اولاجاقدیر و البته کی، بو بیزه هم اقتصادی، هم باشقا دیویدئندلر گتیره‌جک".