روسیا پرزیدنتی ولادیمیر پوتین پرزیدنت ایلهام علیئوه زنگ ائدیب. اقتصادی-تجاری و هومانیتار امکداشلیغین بیر سیرا آکتوال مسئله‌لرینی مذاکره ائد‌ن لیدرلر ایکی‌طرفلی علاقه‌لرین مختلف سوییه‌لرده اینتنسیولشدیریلمه‌سی باره‌ده راضیلیق الده ائدیب.

سون دؤورلر باکی-موسکوا خطینده تماسلارین آرتماسی ایکی‌طرفلی مناسبتلرده روسیادان قایناقلانان پروبلملری معین قدر آرخا پلانا کئچیریب. پوتینین علیئوه ایندی زنگ ائتمه‌سینین ایسه ایکی ممکن سببی گؤرونور.

بیرینجی‌سی، بیشککده‌کی صحبتین داوام ائتدیریلمه‌سیدیر؛

شانگهای امکداش‌لیق تشکیلاتینین (ش‌ت) بیشکک زیروه‌سینده علیئوله پوتین آیاق‌اوستو صحبت ائتمیشدی. ممکندور کی، بو صحبتده ایکی‌طرفلی علاقه‌لرله باغلی مذاکره‌لرین داوام ائتدیریلمه‌سینه ده توخونولوب و پوتین ایندی بیرباشا زنگله بیشکک صحبتینی گئنیشلندیریر.

ایکینجی‌سی، بو زنگه مسکو-ایروان خطینده باش وئرنلر فونوندا باخا بیلریک.

ارمنستانلا مناسبتلرده‌کی گرگینلیک مسکونون تکجه بو اؤلکه‌ده یوخ، جنوبی قافقازداکی مؤقعلرینه ده ریسکلر یارادیر. روسیا آذربایجانلا تماسلاری سیخلاشدیرماقلا ایکی‌طرفلی مناسبتلری دوز خطه چیخارماق، بؤلگه‌ده‌کی مؤقعلرینه ممکن ریسکلری ان آزی کمپنساسیا ائتمه‌یه چالیشیر. مسکو آنلاییر کی، ارمنستانین اقتصادی بوخوولاردان خلاص اولماسی دا آذربایجاندان آسیلیدیر:

- باکی-ایروان تجارت علاقه‌لرینین گئنیشله‌نمه‌سی جاری دؤورده ارمنستان اوچون معین «نفس‌لیک» یارادا بیلر؛

- ارمنستانین تورکیه ایله سرحدلرینین آچیلماسی و آوروپا بازارینا چیخیش امکانلاری دا آذربایجانلا یکون صلح سازشینین امضالانماسیندان آسیلی اولاجاق؛

بو کونتکستده مسکونون جنوبی قافقاز سیاستینی باکی ایله یاخینلاشماق خطی اوزریندن داوام ائتدیرمک ایستکلری گؤرونور. و بو، روسیا اوچون بؤلگه‌ده آمریکا ایله رقابت امکانلارینی تمامیله ایتیرمه‌مک، یاخود دییشن رگیونال گوج بالانسیندا ان آزیندان مؤقعلرینی معین قدر قوروماق باخیمیندان اهمیتلی‌دیر. لاکن روسیانین بو خطی تکجه رگیونال ماراقلاردان یوخ، عینی زمان‌دا، آوراسیاداکی گوج بالانسینا جدی تأثیر ائد‌ن نقلیات دهلیزلرینه چیخیش، خصوصیله شمال-جنوب نقلیات دهلیزینین انکشافی و آذربایجان اوزریندن اورتا دهلیزده اشتراک باخیمیندان دا واجبدیر.