اوکراین پرزیدنتی زلنسکی‌نین "روسیه‌نی دارماداغین ائتمک اوچون بیزه ۴۰ گون لازیم‌دیر؟ چیخیشی ایلک باخیشدا چوخ ادعالی تأثیر باغیشلاییر. زلنسکی ایکی آی اؤنجه ده بیان ائتمیشدی کی، روسیه اراضی‌سینده ۴۰ گونلوک عملیات کئچیرمه‌یی پلانلاشدیریرلار. سون حربی عملیاتلارلا دوغرودان دا اوکراین روسیه اراضیلرینه جدی ضربه‌لر ووردو. روسیه‌نین استراتژی اوبیئکتلرینه و یاناجاق-انرژی سئکتورونا ضرر یئتیریلدی. دنیایا یاناجاق ساتان روسیه اؤزو یاناجاق ادخال ائتمه‌یه مجبور اولدو. اوکراین اؤز پوتنسیالینین اولدوغونو اورتایا قویدو.

بو سؤزلری Axar.az-آ آچیقلاماسیندا پولیتولوگ اوقتای قاسیم‌اف دئییب.

اونون سؤزلرینه گؤره، دونن مسکویا حیاتا کئچیریلن هجوملار اونو گؤستردی کی، اوکراین اؤزونون استحصال ائتدیی سلاحلارلا روسیه اوچون کیفایت قدر حساس ضربه‌لر ائندیره بیلر:

"دوغرودور، روسیه‌نی ۴۰ گون عرضینده "دارماداغین ائتمک" رئال گؤرونمور، اما ۴۰ گون عرضینده اوکراین روسیه‌یه حساس ضربه‌لر وورا بیلر.

نظره آلساق کی، اوکراینا یاردیملار آیریلیب، هم ده آمریکانین اوکراینا نوبتی سلاح تداروکو ایله باغلی کنگرس‌دن اجازه چیخیب، بو دا اوکراینین هم مقاومت، هم ده هجوم امکانلارینی آرتیریب.
بو، روسیه‌نی دانیشیقلار ماساسینا اوتورماغا مجبور ائدرمی؟ بیر قدر مرکب مسئله‌دیر. چونکی روسیه پرزیدنتی‌نین بو دانیشیقلارا گئتمک نیتی‌نین اولمادیغی آچیق شکیل‌ده گؤرونمک‌ده‌دیر".