بو گون وطن محاربه‌سینین باشلاماسیندان ۶ ایل اؤتور.

Axar.az خبر وئریر کی، ۲۰۲۰-جی ایلین سنتیابرین ۲۷-ده مظفر عالی باش کوماندان ایلهام علیئوین رهبرلیی آلتیندا رشادتلی آذربایجان اردوسو ارمنستان سلاحلی قوه‌لرینین حربی تخریباتلارینین، دؤیوش آکتیولیینین قارشیسینی آلماق، ملکی اهالینین تهلوکه‌سیزلیینی تامین ائتمک مقصدیله بوتون جبهبویو عکس هجوم عملیاتلارینا باشلاییب.

بئله کی، همین گون ارمنستانین نوبتی ایری‌مقیاسلی تخریباتلارینا، آذربایجان اردوسونون مؤقعلرینه و ملکی یاشاییش منطقه‌لرینه آتش ضربه‌لری ائندیرمه‌سینه جواب اولاراق عکس هجوم عملیاتی باشلاییب، سونرادان "دمیر یومروق" آدینی آلان بو عملیات وطن محاربه‌سینه چئوریلیب.

۴۴ گونلوک وطن محاربه‌سی دؤورونده آذربایجان پرزیدنتی، عالی باش کوماندان ایلهام علیئو خالقا منتظم مراجعتلر ائتدی. بو مراجعتلر آذربایجان خالقینی آیاغا قالدیردی، اونو یومروق کیمی سیخ بیرلشدیردی، محاربه‌نین گئدیشاتینا و طالعیینه گوجلو تأثیر گؤستردی. هر بیر مراجعت نوبتی غلبه‌لرین مقدیمه‌سینه چئوریلدی.

آذربایجان پرزیدنتی ۲۰۲۰-جی ایل سنتیابرین ۲۷-ده خالقا ائتدیی ایلک مراجعتینده بوتون جمعیتی قطعی غلبه‌یه کؤکله‌دی.

نویابرین ۸-ده آذربایجان پرزیدنتی، مظفر عالی باش کوماندان ایلهام علیئو خالقا مراجعتینده شوشا شهرینین اشغالدان آزاد اولوندوغونو اعلان ائتدی. بوندان سونرا ارمنستان مغلوبیتی ایله باریشدی و کاپیتولیاسیا آکتینا امضا آتماغا مجبور اولدو.

نویابرین ۱۰-دا "آذربایجان رسپوبلیکاسینین پرزیدنتی، ارمنستان رسپوبلیکاسینین باش ناظیری و روسیا فدراسیاسینین پرزیدنتینین بیاناتی" امضالاندی.

بئله‌لیکله، ارمنستان حربی بیرلشمه‌لرینین ۴ ایل عرضینده تدریجا اشغال ائتدیی و ۳۰ ایله یاخین دؤور عرضینده اشغالدا ساخلایاراق اراضی‌سینده گوجلو حربی استحکاملار، مانعه‌لر، مدافعه خطلری قوردوغو آذربایجان تورپاقلاری ۴۴ گون عرضینده آزاد ائدیلدی. آذربایجان رسپوبلیکاسینین اراضی بوتؤولویو برپا اولوندو، ارمنستان-آذربایجان مناقشه‌سی تاریخه چئوریلدی.

ارمنستان اردوسوندان غنیمت کیمی گؤتورولموش تکنیکالارین بیر حصه‌سی ۲۰۲۰-جی ایل دکابرین ۱۰-دا باکیدا حربی پاراددا نمایش ائتدیریلیب، اونلار همچنین ۲۰۲۱-جی ایلین آپرلینده باکیدا آچیلمیش حربی غنیمتلر پارکیندا سرگیله‌نیر.

آذربایجانین بوتون اراضیلرینده دولت سووئرنلیی و کونستیتوسیا قورولوشو برپا ائدیلدی. حاضردا آزاد اولونموش اراضیلرده برپا و یئنیدن‌قورما ایشلری آپاریلیر، ائلجه ده انسانلارین اؤز یوردلارینا قاییدیشی تامین ائدیلیر.

پرزیدنت ایلهام علیئوین ۲ دکابر ۲۰۲۰-جی ایل سرانجامینا اساساً، وطن محاربه‌سینده قهرمانجاسینا دؤیوشموش، اؤلکه‌میزین اراضی بوتؤولویو یولوندا جانلارینی فدا ائتمیش عسگر و ضابطلریمیزه، بوتون شهیدلریمیزه درین احترام علامتی اولاراق هر ایل سنتیابرین ۲۷-سی آذربایجاندا آنیم گونو کیمی قید ائدیلیر.

آنیم گونو ایله علاقه‌دار مرکزی و یئرلی اجرا حاکمیتی استروکتورلاری اؤلکه مقیاسیندا بیر سیرا تدبیرلر تشکیل ائد‌جک، ائلجه ده اؤلکه‌میزین خاریجینده آنیم مراسملری کئچیریله‌جک.

اؤتن ایللرده اولدوغو کیمی، بو ایل ده آنیم گونونده شهیدلریمیز آذربایجاندا فعالیت گوسترن دینی معبدلرده - مسجدلرده، کلیسه‌لرده، سیناقوقلاردا درین احتراملا یاد اولوناجاق، آذربایجانین اراضی بوتؤولویو اوغروندا جانیندان کئچمیش وطن اؤولادلارینین روحونا دعالار اوخوناجاق.

ساعت ۱۲:۰۰-دا اؤلکه اراضی‌سینده شهیدلرین عزیز خاطره‌سی بیر دقیقه‌لیک سکوتلا یاد ائدیله‌جک.