گونئی آذربایجانین سهند پارتیاسی سون گونلر آذربایجان رسپوبلیکاسین‌داکی تحصیل قایدالاری اطرافیندا یارادیلان مئدیا مانیپولیاسیالارینا کسکین رئاکسیا وئریب.

Axar.az خبر وئریر کی، پارتیا یایدیغی رسمی بیاناتدا رگیون‌دا دموکراتیک پرینسیپلرین، دنیوی‌لیین و ملی مستقیللیین قورونماسینین حیاتی اهمیتینی وورغولاییب.

بیانات‌دا قید اولونور کی، دنیوی سیاسی سیستملر بوتون وطنداشلارین حقوق برابرلیینی تعمین ائد‌ن ان ثابت پلاتفورمادیر:

«آذربایجان رسپوبلیکاسینین تحصیل سیستمین‌ده‌کی واحد گئییم قایدالاری دولت مکتبلرینین علمی و غیری-ایدئولوژی کاراکترینین قورونماسینا یؤنلمیش آددیم‌دیر. بو آددیم تقدیر ائدیلمه‌لی و بونا هر کس حرمت ائتمه‌لیدیر».

پارتیا شریعته اساس‌لانان و مجبوری حجاب تطبیق ائد‌ن رژیملرین فردی آزادلیقلاری پوزدوغونو، اونلارین دیگر اؤلکه‌لرین دنیوی قرارلارینا قارشی چیخماسینین ایسه ایدئولوژی ضدیت‌دن ایر‌لی گلدیینی بیلدیریب.

عینی زامان‌دا وورغولانیب کی، بین‌الخالق حقوقا اساساً، هر بیر مستقل اؤلکه‌نین تحصیل و مدنیت ایستروکتورونو معین ائتمک اونون خالقینین و قانونی دولتینین مستثنس حقوقودور:

«معنوی-دینی بهانه‌لرله آذربایجانین داخلی ایشلرینه مداخله ائتمک، اجتماعی رایی قیزیشدیرماق جهدلری قبول اولونمازدیر و ملی مستقیللیین کوبود شکیل‌ده پوزولماسی‌دیر. رگیونون ثابت‌لییی دینی رادیکالیزمدن اوزاقلاشماقدان و داخلی ماراقلارا سؤیکه‌نه‌ن معاصر ایستروکتورلارا کئچیددن آسیلیدیر».