«ائلئکترون ویزالارین وئریلمه‌سی پروسئدورونون ساده لشدیریلمه‌سی و «آسان ویزا» سیستئمینین یارادیلماسی حاقیندا» آذربایجان پرئزیدئنتینین ۲۰۱۶-جی ایل ۱ ایون تاریخلی فرمانینا اویغون اولاراق «آسان ویزا» سیستئمینین یارادیلماسی تامین ائدیلیب، www.evisa.gov.az پورتالی واسطه‌سیله ائلئکترون ویزالارین وئریلمه‌سینه باشلانیلیب.

«آسان خیدمت»این اینفورماسییا تأمیناتی شعبه‌سیندن آپا -یا وئریله‌ن معلوماتا گؤره، لاکین بونونلا بئله، اوخشار سایتلار واسطه‌سیله آذربایجانا گلمک ایسته‌یه‌ن عجنبی لره ائلئکترون ویزالارین وئریلمه‌سی خیدمتی حیاتا کئچیریلیردی.

«همین سایتلار دؤولتین رسمی ائلئکترون ویزا پورتالی تاثثوراتی یاراداراق، ائ-ویزا خیدمتلرینی قانونوئریجی‌لیک‌ده معین ائدیله‌ن پروسئدورلاردان فرقلی، نظرده توتولان دؤولت روسوموندان ایسه دفعه‌لرله آرتیق اؤده نیش آلماقلا حیاتا کئچیریبلر. بو دا اؤز نؤوبه‌سینده ائلئکترون ویزا آلماق اوچون مراجعت ائد‌ن شخصلرده چاشقینلیق یارادیب و حاقلی اولاراق کوتلوی ناراضیلیغا سبب اولوب. آذربایجانا گلمک اوچون ائلئکترون ویزانین وئریلمه‌سی دؤولتین موستثنا صلاحیتی‌دیر و بو جور حاللار ایسه اؤلکه‌نین ایمیجینه ضرر وئره‌ن عامللردن بیریدیر. قئید اولونانلاری نظره آلاراق چاشقینلیغین آرادان قالدیریلماسی مقصدیله همین سایتلارین اوزرینه موقتی محدودیتلر قویولوب. بونونلا علاقه دار همین دوماین صاحبلری ایله گؤروشولوب، موذاکیره‌لر آپاریلیب. بو جور حاللارین باش وئرمه‌مه‌سی اوچون همین سایتلاردا آذربایجان رئسپوبلیکاسینین رسمی ائلئکترون ویزا پورتالی «آسان ویزا» سیستئمی حاقیندا معلومات و ائلئکترون ویزانین آلینماسی اوچون www.evisa.gov.az پورتالینا کئچیدین یئرلشدیریلمه‌سی قرارا آلینیب»، - دئیه معلوماتدا بیلدیریلیر.