آذربایجان رئسپوبلیکاسی مدافعه ناظیری گئنئرال-پولکوونیک ذاکیر حسنوو ۳۱ دئکابر - دونیا آذربایجانلی لارینین هم رای لیک گونو و یئنی ایل بایراملاری موناسیبتیله سیلاحلی قوه‌لرین شخصی هئیتینه تبریک عونوانلاییب.

آخار . آذ تبریکین متنینی تقدیم ائدیر:

«جناب ظابیطلر، گیزیرلر، میچمانلار، چاووشلار، عسگرلر و ماتروسلار!

سیزی ۳۱ دئکابر - دونیا آذربایجانلی لارینین هم رای‌لیک گونو و یئنی ایل بایراملاری موناسیبتیله صمیمی قلب‌دن تبریک ائدیره‌م.

عوموم میللی لیدئریمیز حیدر علیئوین مودریک سیاستی نتیجه‌سینده رئسپوبلیکامیز هرطرفلی اینکیشاف ائد‌رک قاباقجیل اؤلکه‌لر سیراسیندا لاییقلی یئرینی توتوب، بوتون سویداشلاریمیزین قورور منبعینه، اومید یئرینه چئوریلیب، دونیا آذربایجانلی لارینین هم رای‌لیگی تامین اولونوب.

اولو اؤندریمیزین لاییقلی داوامچیسی، مؤحترم پرئزیدئنتیمیز جناب ایلهام علیئوین رهبرلیگی آلتیندا آذربایجان اقتصادیاتی دورمادان اینکیشاف ائدیر، دؤولت موستقیللییمیز مؤحکمله نیر، وطنداشلاریمیزین مادی ریفاهی یاخشیلاشیر، اؤلکه‌میزین دؤولت موستقیللیگی مؤحکمله نیر و مدافعه قودرتی دائیم یوکسه لیر.

آپرئل آییندا دوشمن تخریباتینین قارشیسی آلینارکه‌ن آذربایجان اوردوسو بؤلمه‌لرینین کئچیردیی قطعیتلی جاواب تدبیرلری نتیجه‌سینده ایشغال آلتین‌دا اولان اراضیلریمیزین بیر حیسه‌سینین آزاد ائدیلمه‌سی هر بیریمیزده قورور حیسسی دوغوردو. بیزلری سئویندیره‌ن بو خبر خالقیمیزین هم رای لیینین باریز نومونه‌سیدیر. امین اولون کی، نؤوبتی قلبه‌لریمیز نامینه دونیا آذربایجانلی لاری سیزینله بیرلیکده اولماغا حاضیردیر.

اینانیرام کی، آذربایجان رئسپوبلیکاسینین کونستیتوسییاسینا، حربی آندا و نیظامنامه‌لره بوندان سونرا دا صادق قالاجاق، دؤیوش و معنوی-پسیخولوژی حاضرلیقدا یئنی اوغورلار الده ائد‌ه جک و سیلاحلی قوه‌لرین عالی باش کوماندانینین رهبرلیگی آلتیندا اوچ رنگلی دؤولت بایراغیمیزی ایشغال آلتیندا اولان از‌لی و ابدی تورپاقلاریمیزدا دالغالاندیراجاقسینیز.

سیزلره مؤحکم جان ساغلیغی، اوزون عؤمور، عائله سعادتی، خیدمت‌ده و دؤیوش حاضیرلیغین‌دا اوغورلار آرزولاییرام».