نورسولطان نازاربایئوین سلاحیتلرینین بیر حیصه‌سینی پارلامئنته، بیر حیصه‌سینی ایسه حکومته وئرمه‌سی باره‌ده قرارینی آچیقلایاندا ماراقلی بیر چیخیش ائتدی. دئدی کی، واختیله اؤلکه‌ده گوجلو پرئزیدئنت ایدارچیلیینین اولماسی دؤولتچیلیین اساسلارینین قورولوب محکه‌مله‌نمه‌سینه خیدمت ائتملیدی و خیدمت ده ائدیب.

آخار. آذ خبر وئریر کی، بو سؤزلری میللت وکیلی، قدرت حسنقولیئو قازاخیستان لیدئری نورسلطان نازاربایئوین پرزیدنتین بعضی صلاحیتلرینین پارلامئنت و ناظیرلر کابینئتینه وئریلمه‌سی قرارینی شرح ائدرکن دئییب. حسنقولیئو بیلدیریب کی، دوغرودان دا بیر سیاستچی و دؤولت خادیمی کیمی، نازاربایئو چوخ مودریک آدامدیر:

«سئویندیریجی حال‌دیر کی، او اؤز میللی کیملیینی درک ائد‌ن، سوی-کؤکونه صادق، تورک خالقلارینین بیرلیگی ایستیقامتین‌ده چالیشان شخص‌دیر. بو حادثه‌یه هم ده اونا گؤره شاد اولدوم کی، قازاخیستان ام د ب مکانیندا قیرغیزیستاندان سونرا پارلامنت تیپلی رئسپوبلیکایا دوغرو آددیم آتان ایکینجی تورک رئسپوبلیکاسی‌دیر. نازاربایئو یاخشی باشا دوشور کی، قانونون عالیلیینین تامین اولونماسی، دموکراتییانین اینکیشافی پارلامنت ایدارچیلییندن کئچیر».

حسنقولیئو بیلدیریب کی، اونون پارتیتسی دا هر زامان پارلامنت رئسپوبلیکاسینین طرفداری اولوب:

«آذربایجاندا قازاخیستان و قیرغیزیستاندان فرقلی اولاراق، ۱ میلیون قاچقین وار، تورپاقلاریمیز ایشغال آلتین‌دادیر. ایندی اؤلکه‌ده گوجلو مرکزی حاکمیته احتیاج وار. محاربه دؤورون‌ده اؤلکه رهبرینین الین‌ده گئنیش صلاحیتلرین اولماسی همیشه مقصده اویغون حساب ائدیلیب. اما بیز محاربه وضعیتینده اولساق دا، اوزون ایللردیر کی، آتشکس رئژیمیندییک».

آذربایجانین پارلامنت تیپ‌لی رئسپوبلیکانین – خالق جومهوریتینین واریسی اولدوغونو بیل‌دیرن میللت وکیلی پارلامئنت رئسپوبلیکاسینا کئچید واختینین یاخینلاشدیغینی دوشوندویونو دیله گتیریب.