بو گون گئنیش ترکیبلی گؤروشدن سونرا آذربایجان پرزیدنتی ایلهام علیئو و ایران پرزیدنتی حسن روحانی مطبوعات کونفرانسی کئچیریب.

آپا-نین تهران بوروسونون معلوماتینا گؤره، مطبوعات کونفرانسین‌دا پرزیدنت روحانی دئییب کی، اؤتن ۳ ایل عرضین‌ده ایکی اؤلکه‌نین علاقه‌لری هم سیاسی و هم ده مدنیت ساحه‌سین‌ده چوخ اینکیشاف ائدیب.

روحانی بیلدیریب کی، ایکی اؤلکه آراسیندا اقتصادی علاقه‌لرین آرتماسی هر ایکی اؤلکه رهبرلیینین مناسیبتلرین داها دا گئنیشله‌نمه‌سی ایله باغلی ایراده‌سینین گؤستریجی‌سی‌دیر: «ایکی اؤلکه آراسیندا ترانزیت ساحه‌سین‌ده ده امکداشلیق یاخشی سوییه‌ده قورولوب و شیمال-جنوب نقلیات دهلیزی بو علاقه‌لرین قورولماسیندا بؤیوک رول اویناییر».

حسن روحانی علاوه ائدیب کی، آذربایجان رشت-آستارا دمیر یولونون تیکینتی‌سین‌ده ایرانلا امکداشلیق ائدیر و بو امکداشلیغین رئگیون‌دا دمیر یولونون اینکیشافیندا بؤیوک رولو وار: «ایکی اؤلکه نفت ساحه‌سین‌ده ده امکداشلیق ائدیر. ایران نفت موبادیله‌سی (swop) ساحه‌سین‌ده آذربایجانلا امکداشلیق ائتمه‌یه حاضردیر. یعنی ایران نفتی خزر دنیزینده تحویل آلسین و ایرانین جنوبوندا دونیا بازارینا چیخارسین».

ایران پرزیدنتی قئید ائدیب کی، ایکی اؤلکه آراسیندا آوتومبیل ایستحصالی ساحه‌سین‌ده ده امکداشلیق اینکیشاف ائدیب: «بیز گؤروشده ائکولوگییا، خزر دنیزینده اطراف موحیطین قورونماسی، خزریانی اؤلکه‌لرین الده ائتدیی راضی‌لیقلارین ایجراسی اوچون داواملی علاقه‌لر قورماق و خزرین اکولوژی تمیزلیینی قوروماق مسئله‌لرینی مذاکیره ائتدیک. خزر دنیزینده نفت یاتاقلارینین بیرگه ایشلدیلمه‌سی ایله باغلی چوخلو موذاکیرلریمیز اولوب. بو گون ده بو مذاکیرنی داوام ائتدیردیک. قرارا آلیندی کی، ایکی اؤلکه‌نین نفت ناظرلری راضیلیق الده اولونانا کیمی مذاکیرنی داوام ائتدیرسینلر».

حسن روحانی دئییب کی، گؤروش‌ده ایران، آذربایجان و روسییا، ائل‌جه ده آذربایجان، ایران و تورکییه و آذربایجان، ایران و گرجستان اوچطرفلی گؤروشلری حاقیندا دانیشیقلار آپاریلیب: «گؤروشده همچینین رئگیوندا باش وئرن پروسئسلر مذاکیره اولوندو. ایران بوتون اؤلکه‌لرین اراضی بوتؤولویونه حؤرمتله یاناشماغین ضروریلیینی وورغولاییر. اومید ائدیریک کی، قاراباغ مناقیشه‌سی ده اؤز حلینی تاپاجاق. مناقیشه‌لر مذاکیره و سیاسی یوللارلا اؤز حلینی تاپمالی‌دیر»