یالنیز دیپلماتیک دیلدن ایستیفاده ائتمکله و رئال سیاسی تضییق اولمادان ارمنیستان-آذربایجان، داغلیق قاراباغ مناقیشه‌سی ایله باغلی وضعیت‌ده دییشیکلیک اولمایاجاق.

بونو ترند-ا داغلیق قاراباغ مناقیشه‌سی اوزره ایسوچرلی اکسپرت، «اونودولموش مناقیشه» کیتابینین مؤلفی آندری ویدمر دئییب.

او بیلدیریب: «تأسف کی، سورییا، عراق، یه‌ن و اوکرایناداکی محاربه‌لر و شیمالی کورئیا بحرانی فونوندا قاراباغ مناقیشه‌سی سانکی بین الخالق اجتیمایت طرفیندن اونودولوب. بئله گؤرونور کی، ۲۰۱۶-جی ایلین آپرلینده قیده آلینان اسکالاسییادان سونرا اساس اویونچولار – روسییا و آمریکا مناقیشه‌نین حل اولونماسی اوچون کیفایت قدر گوج صرف ائتمک نیتینده دئییللر».

اکسپرت قید ائدیب کی، مناقیشه‌نین حلی یوللاری مسکوانین الینده‌دیر: "روسییانین اقتصادی و سیاسی گوجو وار کی، ارمنیستانی ایشغالی دایاندیرماغا مجبور ائتسین. ایلک آددیم داغلیق قاراباغ اطرافینداکی ایشغال اولونموش رایونلارین آزاد ائدیلمه‌سی اولا بیلر. اما تأسف کی، روسییا حقیقته‌نا ده پوست سوویت مکانین‌داکی مناقیشه‌لرین حل اولونماسیندا ماراقلی دئییل».

قید ائدک کی، ارمنیستان حربی حیصه‌لری آوگوستون ۷-ده ساعت ۲۰ راده‌لرینده آذربایجانین ایشغال اولونموش اراضیلریندن توووز رایونونون ارمنیستانلا همسرحد اولان قارالار کندینی ایریچاپلی سلاحلاردان آتشه توتاراق مولکی اهالینین قصداً محو ائدیلمه‌سی مقصدیله نؤوبتی تخریبات تؤردیبلر. نتیجه‌ده قارالار کند ساکینی - ۲۰۰۴-جو ایل توللودلو یوسیبوو رامیل صابیر اوغلو اوت بیچینیندن گلره‌ن قلپه خسارتلری آلاراق آغیر وضعیتده خسته خانایا یئرلشدیریلیب. فاکتلا باغلی توووز رایون پروکورورلوغوندا جینایت مجلله‌سینین ۱۱۶.۰.۱۰ (سلاحلی مناقیشه زامانی ملکی اهالییه و یا دؤیوشلرده ایشتیراک ائتمه‌یه‌ن آیری-آیری مولکی شخصلره وجوم ائتمکله بین الخالق هومانیتار حقوق نورمالارینی پوزما)، ۲۹، ۱۲۰.۲.۷ (ایکی و یا داها چوخ شخصی قصداً اؤلدورمه‌یه جهد) ماده‌لری ایله جینایت ایشی باشلانیب، ایستینتاق آپاریلیر.