روسییا ایله سیخ امکداشلیق ائتمه‌دن قفقازدا صولح و امین-آمانلیق اولاجاغینی دوشونموره‌م.

آخار. آذ خبر وئریر کی، بو سؤزلری «موسکوا – باکی اوخو» کنفرانسیندان اول ژورنالیستلره آچیقلاماسیندا روسییا فدراسییاسی فدرال مجلی‌سینین دؤولت دوماسیندا کمونیست پارتییاسی فراکسییاسینین صدری گنادی زوقانوو دئییب.

زوقانووون سؤزلرینه گؤره، مناقیشه‌نین حلینی ماسا آرخاسیندا آختارماق، صبیر گؤسترمک لازیمدیر.

پارتییا صدری همچینی ارمنیستان‌دا آنتیروسییا میللرینین گوجله‌نمه‌سی و ناتو-یا اینتقراسییا ائتمک ایستیینه ده مناسیبت بیلدیریب:

«روسییادان اوزاقلاشان هر کسین وضعیتی پیسلشیر. ارمنیستان و ارمنی خالقی بونو هامیدان یاخشی بیلیر. او کی قالدی ایستریکایا، ائله مسکوادا دا آمریکا توتگینه اوینایانلار آز دئییل. بو اینسانلار روسییایا خیدمت ائتمیر و وضعیتی گرگینلشدیرمک اوچون اللریندن گلن هر شئی ائدیرلر. همین گوجلره ارمنیستاندا آیاق آچماغا ایمکان وئرمک اولماز. بیز اونلارا آیاق آچماغا ایمکان وئرمیجییک»، - زوقانوو بیلدیریب.

قید ائدک کی، «مسکوا-باکی اوخو» کنفرانسی بو گون ایستارت گؤتوروب. کنفرانسدا گنادی زوقانوو، سرگی مارکوو، آندری کلیموو، آلکساندر پروخانوو، لونید کالاشنیوکوو، دمیتری ساولیو، میخایل زابلین، شامیل سولطانوو، پولاد بولبولوغلو، رؤوشن رضایئو، علی حسین‌لی کیمی سیاست‌چیلر و میللت وکیللری ایشتیراک ائدیرلر.