تورکییه بیردفعه‌لیک بیلمه‌لیدیر کی، ایران‌دان اونا دوست، یاخود دا موتتفیق اولا بیلمز.

بو سؤزلری آخار. آذ-آ آچیقلاماسیندا سابیق دؤولت موشاویری قابیل حسینلی دئییب. او بیلدیریب کی، ایران تورکییه‌یه قارشی خیانتکارجاسینا حرکت ائدیر:

«فیکیر وئرین، ایران تورکییه ایله باغلی وئردیی بیاناتلاری یوموشالدیب. ایران حاضردا تورکییه‌نین یاخشی‌لیغینی ایسته‌یه‌ن بیر اؤلکه کیمی گؤرونسه ده، اصلینده قارداش اؤلکه‌نین اؤز تهلوکه‌سیزلیگی نامینه آپاردیغی عملیاتلارین علیهینه گئدیر. بو، تهرانین آنکارایا اولان کینیندن ایر‌لی گلیر. تورکییه بیردفعه‌لیک بیلمه‌لیدیر کی، ایران‌دان اونا دوست، یاخود دا متفیق اولا بیلمز. بو گونلرده آمریکا طرفی اعلان ائتدی کی، ایرانین سورییادا ۸۰ مینلیک قوشونو وار. ایران فاکتیکی سورییاداکی بوتون عملیاتلاردا ایشتیراک ائدیر، اورادا حربی بازالار یارادیر، عینی زاماندا، اسدله یاخینلیق ائدیر. ایران کیمی بو بؤلگه‌ده دیگر دؤولتلره قارشی تجاووزکارجاسینا یاناشان ایکینجی دؤولت یوخدور. بو نقطه نظردن ایرانین تورکییه‌نین سورییادا آپاردیغی عملیاتلاردا آچیق-آشکار قارداش اؤلکه‌یه بدخواهلیغی حس اولونور».

پولیتولوگ بو فوندا تورکییه ایله ایرانین سورییادا قارشی‌دورما وضعیتینه گله بیلجیی ایل باغلی مسئله‌یه ده موناسیبت بیلدیریب:

«ایرانین سورییادا تورکییه ایله اوزلشمه‌یه جسارتی چاتماز. او اوزده‌ن ده پروسئسلر قارشیدورما سوییه‌سینه کیمی اینکیشاف ائتمه‌یه‌جک. چونکی یاخین واختلاردا تورکییه سورییاداکی حربی عملیاتلارینی اوغورلا باشا چاتدیراجاق».

قید ائدک کی، تورکییه پرزیدنتینین باش مصلحتچیسی ایلنور چئویک ایرانین تورکییه‌نین «زیتون بوداغی» عملیاتینی حیله‌گر شکیلده گیزلی اولاراق سابوتاژ ائتمه‌یه چالیشدیغینی بیلدیریب. «ایران یانیمیزدا اولدوغونو گؤستریب تورکییه‌نی آرخادان وورماغا چالیشیر. آمریکالیلار پ کاکا، پ ی د و ی پ گ-نی آچیق شکیل دستکلدیی حالدا ایران بونو گیزلی و حیله‌گرجه‌سینه ائدیر. دئمک کی، ایران تورکییه‌نین سورییاداکی صولحه قاتقیلاریندان هئچ ممنون دئییل»، - .چئویک قئید ائدیب.