تورکییه بیر چوخ اؤلکهلردن، او جملهدن آذربایجاندان، روسییادان و عراقدان نفت آلیر. آنجاق ایران بو سیرادا بیرینجیدیر. اونا گؤره ده تورکییهنین ایران نفتیندن تمامهن ایمتینا ائتمهسی پروبلماتیکدیر.
Axar.az خبر وئریر کی، بو سؤزلر آتلاس آراشدیرمالار مرکزینین آمریکانین ایرانا تطبیق ائتدیی یئنی سانکسییالار بارهده آراشدیرماسیندا قید اولونوب. بیلدیریلیب کی، آمریکا سانکسییالاری تورکییهیه یاخشی هئچ نه وعد ائتمیر:
«اونسوز دا ایکی اؤلکه آراسینداکی موناسیبتلر ایران نفتینه قویولان امبارقویا قدر ده سویوق ایدی. تورکییهنین روسییادان آلماق ایستدیی اس-۴۰۰ راکئتلرینه گؤره واشینگتن آنکارایا تضییقینی آزالتمیر.
آنکارا بؤیوک احتیماللا او بیری دؤولتلرین آددیملارینا گؤره قرار وئرهجک. مثلاً، بؤیوک اقتصادی پوتئنسیالا مالیک اولان چین و هیندیستان دا ایراندان نفت آلیر. چین و هیندیستان هله کی، ایران نفتیندن ایمتینا ائتمهیهجکلرینی بیلدیریرلر. بئله اولان حالدا تورکییه ده بو ایکی دؤولت کیمی حرکت ائدجک. آنجاق اگر بیر مدت سونرا چین و هیندیستان ایران نفتینین آلیشینی آزالتماغا باشلایارلارسا، تورکییه ده نفت ایستراتگییاسینا یئنیدن باخا بیلر.
تصادفی دئییل کی، تورکییهنین خاریجی ایشلر ناظری مؤولود چاووشوغلو بو گونلرده عراقا سفر ائدیب. تورکییه عراقین شیمالیندان دا نفت آلیر و مومکوندور کی، آنکارا عراقدان آلدیغی نفتین حجمینی آرتیرسین. عینیله تورکییه آذربایجان و یا روسییادان دا نفت آلیشینین آرتیریلماسییلا باغلی دانیشیقلارا باشلایا بیلر. آنجاق روسییا نفتی داشینما خرجلرینه گؤره تورکییهیه ایران نفتیندن داها باها باشا گلهجک. یعنی بوتون حاللاردا اوجوز ایران نفتی تورکییه اوچون ایندیکی شرطلر آلتیندا عوض ائدیلمزدیر».
مرکزین آراشدیرماسیندا قید اولونوب کی، تورکییهنین آمریکانین مصلحتی ایله سعودییه عربیستانیندان نفت آلماسی چتین مسئلهدیر:
«آمریکا ایراندان نفت آلان دؤولتلره مصلحت گؤرور کی، سعودییه عربیستانیندان نفت آلسینلار. آنجاق تورکییه ایرانی سعودییه عربیستانلی ایله عوض ائده بیلمز. ایکی اؤلکه آراسیندا سویوق موناسیبتلر مؤوجوددور. سعودییهلی ژورنالیستین ایستانبولدا قتله یئتیریلمهسی بو موناسیبتلری داها دا سویودوب».
مرکز تهرانین آنکارادان آرخایین اولماق ایستدیینی، بو مقصدله ایرانین خاریجی ایشلر ناظری محمد جواد ظریفین آپرلین ۱۷-ده آنکارایا سفر ائتدیینی بیلدیریب: