روسییانین «ووئننوئ اوبوزرئنیئ» نشری طیاره کابینه‌سینین شوشه‌لرینین کئچیلمزلیگی حاق‌دا تصورلری کؤکوندن دییشن مقاله ایله چیخیش ائدیب.

آخار. آذ خبر وئریر کی، مقاله مؤلفی روسییالی حربی اکسپرت یئوگئنی فئدوروو سمادا قوشلارلا توققوشماق ساریدان بختی گتیرمه‌یه‌ن بیر نئچه پیلوتلا باغلی فاتکلارا مراجعت ائدیب.

بیرینجی حال

۱۹۷۷-جی ایلین آپرئلین ۱-ده پولکوونیک ن. ن/ گریگوروکوو و مایور ق. آ. توربووون ایداره ائتدیی میگ-۱۵ طیاره‌سی هاوا شرایطینی یوخلاماق اوچون فالکنبرگ آئرودروموندان هاوایا قالخیر. هاوایا قالخدیقدان بیر نئچه دقیقه سونرا ۱۲۰ متر یوکسکلیکده بیر گؤیرچین کابینه‌نین شفاف دامینی دئشیر و گریگوروکووون ساغ گؤزونو چیخاریر. کابینه‌نین شوشه‌لری داخیلدن قان و لکه‌لره بولانیر.

فدورووون سؤزلرینه گؤره، بیر چوخ حاللاردا ایلدیریم بئله هاوادا قوشلا توققوشماق‌دان داها تهلوکه‌سیز اولور.

ایکینجی حال

پیلوت مارک قاللای ۲۰۰ متر یوکسکلیکده کابینه‌نین شفاف دامینی دله‌ن و اونو نوکاوتا سالان قارغا ایله گؤروشو باره‌ده دانیشیب. یالنیز اینانیلماز شانس (قاللای هوشونو ایتیریر) سایه‌سینده فاجعه‌دن قاچماق مومکون اولور.

قاللای یازیر: «اؤزونوز قرار وئرین: سرحدسیز هاوا مکانی و اورادا چوخ دا بؤیوک اولمایان بیر قوش وار. بونا قدر منه ائله گلیردی کی، سمادا قوشلا توققوشماق احتیمالی کوسمیک مکان‌دان یئره دوشن مئتئوریته ائنمک احتیمالی قدر آزدیر».

روسییالی حربی اکسپرت قید ائدیر کی، آپاریلان حسابلامالارا اساساً طیاره‌نین سرعتی ساعت‌دا ۷۰۰ کیلومتره چاتدیغی حال‌دا ۱.۸ کیلوگرام چکیلی قاغایی اونون کورپوسوندا ۳ عدد ۳۰ میللیمترلیک مرمینین دوشمه‌سی نتیجه‌سین‌ده قیده آلینان زیان قدر ضرره سبب اولور. هئچ بیر گوله‌کئچیرمه‌یه‌ن شوشه بئله انرژی تأثیرینه تاب گتیره بیلمز.

اوچونجو حال

پیلوتلار حتی ۱۰۰۰-۳۰۰۰ متر یوکسکلیک‌ده ده آرخایین اولمامالیدیر. چونکی آغیر قاز و کرکس کیمی قوشلارلا توققوشماغین آغیر نتیجه‌لری اولا بیلر.

بئله کی، ۱۹۶۲-جی ایلده کرکس هیندیستان طیاره‌سینین کابینه‌سینین شوشه‌سینی دله‌رک ایکینجی پیلوتو اؤلدوروب. یوکسک سرعت‌ده بو جور قوشلار نینکی شوشه‌نی قیرا، حتی طیاره کورپوسونون ایسته‌نیله‌ن پرویئکسییاسینی پوزا بیلر.