آلمانییا کانسلری فریدریخ مرز بوتون عضو دولتلرین ۲۰۲۷-جی و سونراکی ایللرده اوکراینانین مالیه‌لشدیریلمه‌سینه تهفه وئرمه‌یه راضی اولمادیقلاری تقدیرده ۲۰۲۸-۲۰۳۴-جو ایللر اوچون آوروپا بیرلیییی بودجه‌سینی بلوکلاماقلا هده‌له‌ییب.

Axar.az خبر وئریر کی، بو باره‌ده «فایننشل تایمز» قزئتینین معلوماتین‌دا دئییلیر.

بونونلا باغلی کانسلرین آوروپا شوراسینین صدری آنتونیو کوشتایا گؤندردیی مکتوبدا بیلدیریلیب.

مکتوب‌دا دئییلیر کی، اوکراینا ۲۰۲۷-جی ایلده ۷۰ میلیارد آورولوق مالیه کسری ایله اوزلشمک ریسکی داشیییر.

بوندان علاوه، آلمانیا کانسلری اوکراینانین مالیه‌لشدیریلمه‌سی ایله باغلی گله‌جک قرارلارین یئکدیللیکله دئییل، سس چوخلوغو ایله قبول ائدیلمه‌سینی ایستییر.

نشر قید ائدیر کی، بو اولتیماتوم ۱۲ و ۱۳ نیابر تاریخلرینده دوبلینده کئچیریله‌جک آوروپا بیرلیییی لیدرلرینین گؤروشو عرفه‌سینده وئریلیب و مرز اوکراینانین مالیه چاتیشمازلیغینین حلینی طلب ائتمک نیتینده‌دیر.