ظفر گونو مناسبتیله یئنی پارتییانین صدری اؤزگور اؤزلین آذربایجان پرزیدنتی ایلهام علیئوه تلفن زنگینده و آذربایجان خالقینا تبریکلرینی چاتدیرماسین‌دا غیرعادی هئچ نه یوخدور. اؤزگور اؤزل تورکیه‌ده آنا مخالیفتین لیدری استاتوسوندا اولسا دا، اؤلکه‌سینین آذربایجانلا استراتژی متفقلیین داوام ائتدیریلمه‌سینده جمهورباشقانی رجب طیب اردوغان قدر ماراقلی‌دیر. بو سببدن اؤزگور اؤزلین ایلهام علیئوله تلفن دانیشیغی رجب طیب اردوغانین دا ماراقلارینا جواب وئریر.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

«اؤزگور اؤزلین ایلهام علیئوله تلفن دانیشیغینین مناسبتلرده‌کی سون بحرانلا علاقه‌سینین اولدوغونو دوشونمورم. همین اؤزگور اؤزل ۲۰۲۴-جو ایلین نویابرین ۸-ده ده ایلهام علیئوه زنگ ائد‌رک، آذربایجانین اراضی بوتؤولویونون برپاسی، ۴۴ گونلوک وطن محاربه‌سینده غلبه‌نین دؤردونجو ایلدؤنومو مناسبتیله دولت باشچی‌سینی تبریک ائتمیشدی. اؤزگور اؤزل ایکی ایل اولکی تلفن دانیشیغیندا آتاتورکون «آذربایجانین کدری کدریمیز، سئوینجی سئوینجیمیزدیر» ایفاده‌سینی خاطیرلاتمیشدی. یئنی پارتییا لیدری بوندان باشقا او زمان صدری اولدوغو جمهوریت خالق پارتییاسینین آوروپا شوراسی پارلامنت آسامبلیاسین‌دا و سوسیالیست اینترناسیونالیندا آذربایجانی مدافعه ائتدیینی ایلهام علیئوین دقتینه چاتدیرمیشدی. تلفن زنگینه و تبریکلره گؤره اؤزگور اؤز‌له تشکورونو بیلدیرن پرزیدنت ایلهام علیئو همین تلفن دانیشیغیندا قید ائتمیشدی کی، اوللر معین یانلیشلیقلار اولوب، اما بونلار کئچمیشده قالیب. ایلهام علیئو یئنی آذربایجان پارتییاسی ایله ج.ح.پ آراسیندا امکداشلیغین مثبت استقامتده جریان ائتدیینی وورغولامیشدی.

اؤزگور اؤزلین حاضردا لیدری اولدوغو یئنی پارتییا تورکیه جمعیتینده کفایت قدر دسته‌یه مالکدیر. ایکی ایل سونرا تورکیه‌ده پرزیدنت سئچکی‌سی کئچیریله‌جک. یئنی پارتییانین دستکلیجیی نامزدین دولت باشچی‌سی سئچیلمه‌سی احتمالی آز دئییل. بو باخیمدان بو پارتییا ایله قورولان دیالوگ آذربایجان-تورکیه اتفاقینین گوجله‌نمه‌سینه خدمت ائدیر. یاخین مدتده رجب طیب اردوغانین متفیقی اولان ملیتچی حرکات پارتییاسینین لیدری دولت باغچالینین دا آذربایجانا سفری رئاللاشا بیلر. تورکیه‌ده ملتچی پارتیا، سیاستچی و اکسپرتلرین آذربایجانلا مناسبتلره اهمیت وئرمه‌سی ایکی اؤلکه آراسینداکی یارانان بحرانلارین اورتادان قالدیریلماسیندا خصوصی رول اویناییر»، - او علاوه ائدیب.