اردوغان ۸ نویابر ظفر گونونده آذربایجانا گلمیی پلانلاشدیریر. آذربایجان-تورکیه قارداشلیق و استراتژی مناسبتلری فونوندا اردوغانین باکییا گلیشی هر زمان طبیعی حادثه اولوب. هرچند، بو دفعه‌کی سفر باکی-آنکارا خطینده یاشانان سون گرگینلیکلر باخیمیندان فرقله‌نیر.

گرگینلیک سنگیسه ده، تمامیله آرادان قالخدیغینی دئمک چتیندیر. علیئوین تورک دولتلری تشکیلاتینین (ت.د.ت) آنکارا زیروه‌سینه گئتمه‌مه‌سی بونو دئمه‌یه اساس وئریر. اردوغانین آذربایجانا سفرله باغلی وئردیی آچیقلاماسیندا "تورکیه و آذربایجان آراسینداکی قارداشلیغین آشا بیلمیجه‌یی هئچ بیر مانعه یوخدور" سؤزلری ده پروبلملرین اولدوغونا اشاره ائدیر.

بورادان ایکی نتیجه چیخارماق اولار.

۱. علیئو آنکارایا گئتمه‌مکله تورکیه‌ده سون ایللر آذربایجانا قارشی آرتان خطله داوام ائد‌ن هجوملار قارشی‌سیندا کونکرت مؤقع سرگیله‌دی: بونو آذربایجانین «قیرمیزی خطلری»نین نمایش ائتدیریلمه‌سی کیمی ده قبول ائده بیلریک؛

۲. اردوغان باکییا گلمکله آذربایجانلا یارانمیش گرگینلیین تمامیله آرادان قالدیریلماسیندا ماراقلی اولدوغونو نمایش ائتدیریر؛

آرتیق سفرله باغلی دیپلماتیک تماسلارین اولدوغو معلومدور. اردوغان میت و خارجی ایشلر ناظیرلیی رهبرلرینی باکییا گؤندردیینی، علیئوله تلفن دانیشیقلارینین اولدوغونو بیلدیریب. حادثه‌لرین انکشافی، رگیونداکی پروسسلر و بو دیپلماتیک ترافیک فونوندا استثنا ائدیلمه‌مه‌لیدیر کی، باکی-آنکارا خطینده‌کی گرگینلیین داها درین قاتلاری وار. بونو دا یالنیز لیدرلر مذاکره ائده، اورتاق مؤقعلر تاپا بیلر. اردوغانین باکی سفری بو باخیمدان اهمیتلی اولاجاق.