آمریکا دولت دپارتامنتی نیابرن ۴-ده اسلام رسپوبلیکاسی اوچون مانپادس (چین‌دن آلیلان هوا هجومون‌دان مدافعه سیستملری) هوا هجوموندان مدافعه سیستملرینین آلینماسین‌دا رول اوینادیقلارینا گؤره ایکی شخصه و بیر شرکته سانکسیا تطبیق ائتدی.

Axar.az خبر وئریر کی، بو باره‌ده دپارتامنتین یایدیغی بیاناتدا بیلدیریلیب.

معلوماتا گؤره، بلاروس‌دا یئرلشن "آرموری آللیانس" شرکتینین باش دیرکتورو محمد علی طالع‌بوو چین و ایران شرکتلری آراسین‌دا یوزلرله مانپادس سیستمین آلینماسین‌دا واسطه‌چیلیک ائدیب.

نیجرییادا یئرلشن "وانگوارد تاکتیکال سوپپلی" شرکتی ده سلاحلارین آلینماسی اوچون ساختا سون استفاده‌چیلری تقدیم ائتدیینه گؤره، روسیادا یاشایان الیشیر دومولودژانوو ایسه اونلارین آلینماسینی آسانلاشدیرماغا چالیشدیغینا گؤره سانک‌سیا تطبیق ائدیلیب.

آمریکا دولت دپارتامنتی بیلدیریب کی، تدبیرین مقصدی اسلام رسپوبلیکاسینین آرسنالینی یئنی‌دن قورماسینین و ب.ام.ت-نین سلاح امبارقوسو تطبیق ائتمه‌سینین قارشی‌سینی آلماقدیر.

سانکسیالار آمریکاداکی آکتیولری دوندورور و علاقه‌لی عملیاتلاری قاداغان ائدیر.

قید ائدک کی، عینی گونده واشینگتن اسلام رسپوبلیکاسینین کؤلگه دونانماسینا ساختا سندلر تقدیم ائتدیکلرینه گؤره دؤرد هیندیستان وطنداشینی و دوقوز هیندیستان شرکتینی، سانکسیا تطبیق اولونموش ایران آویاشرکتلرینه خدمت گؤستردیینه گؤره ایسه بیر تورکیه شرکتینی هدفه آلیب.