تورکیه پرزیدنتی رجب طیب اردوغان آذربایجانا سفری ایله باغلی آچیقلاما وئریب.

Axar.az خبر وئریر کی، بونو تورکیه پرزیدنتی رجب طیب اردوغان ژورنالیستلره آچیقلاماسین‌دا دئییب.

«آذربایجان‌دا ۸ نیابر ظفر گونودور. فوق‌العاده بیر حال باش وئرمزسه، همین گون آذربایجانا سفر ائتمیی پلانلاشدیریرام. امید ائدیره‌م کی، بو سفر واسطه‌سیله ضروری آددیملارین آتیلماسی اوچون بیر فرصت یاراناجاق. من آرتیق آذربایجان پرزیدنتی جناب الهام علیئوله تلفن دانیشیقلاری آپارمیشام. بونونلا یاناشی، هم ملی استحبارات تشکیلاتینین رهبرینی، هم ده خارجی ایشلر ناظرینی آذربایجانا گؤندرمیشه‌م. بوندان علاوه، هم جناب علیئوله، هم ده خانیملاریمیز آراسین‌دا فعال "تلفن دیپلماتیاسی" داوام ائدیر. اونلار ۸ نیابر – ظفر گونونه بؤیوک اهمیت وئریرلر.

همیشه دئدییم کیمی، آذربایجانلا مناسبتلریمیز عادی دیپلماتیک علاقه‌لردن قات-قات اوستون‌دور. خالقلاریمیز آراسینداکی سارسیلماز باغ اورتاق تاریخیمیزین، مدنیتیمیزین و تالعیمیزین – ائلجه ده، انشاللاه، اورتاق گلجییمیزین محصولودور. اللهین کمکی ایله، تورکیه و آذربایجان آراسین‌داکی قارداشلیغین آشا بیلمیجیی هئچ بیر مانعه یوخدور»، - اردوغان علاوه ائدیب.