اسلام رسپوبلیکاسی پرزیدنتی مسعود پزشکیان، ایران رهبری مجتبی خامنه‌ای‌نین "نه محاربه، نه صلح" وضعیتینه سون قویماق امرینی وئردیینی آچیقلاییب و تهرانین فیکیر آیریلیقلارینی دانیشیقلار یولو ایله حل ائتمه‌یه حاضر اولدوغونو بیلدیریب.

Axar.az خبر وئریر کی، بو باره‌ده "تسنیم" خبر آگئنت‌لییی معلومات یاییب.

"بیز لیاقتله دانیشا و مسئله‌نی لیاقتله حل ائده بیلریک"،- پزشکیان بو گون ایران سود صنایع‌سی شیرکتینین یارادیلماسینین ایلدؤنومونده ائتدیی چیخیشیندا دئییب.

بو آچیقلامالار، آتاسینین وارثی کیمی تقدیم ائدیلدیک‌دن بری مجتبی خامنه‌ای‌نین هئچ بیر یئنی و تصدیقلنه بیلن گؤرونتولرینین و یا سس یازی‌سینین یاییلمادیغی و اونا عاید ائدیلن گؤروشلر و امرلر باره‌ده خبرلرین یالنیز اسلام رسپوبلیکاسی رسمیلری و مئدیا واسطه‌سیله آچیقلاندیغی بیر واختا تصادف ائدیر.

بونونلا عینی واخت‌دا آمریکا دولت کاتیبی مارکو روبیو تهرانین شرطلرینی "قبول‌ائدیلمز و غیری-رئال" آدلاندیریب و دونالد ترامپین هله ده دیپلوماتیک حل یولونا اوستونلوک وئردیینه باخمایاراق، دانیشیقلاردا اهمیتلی ایرلیله‌ییش اولمادیغینی سؤیله‌ییب.