آنا صحیفه گوندم |
پاشینیان قاراباغی پوتئنسیال عکس-اینقلاب مرکزی و دایاغی حساب ائتدییندن، «ارمنی اینقلابی»نین قاراباغی دا احاطه ائتمهسینی قارشیسینا مقصد قویوب.
آخار. آذ خبر وئریر کی، بونو حربی اکسپرت، احتیاطدا اولان پولکوونیک-لیتنانت ناظیم بایرام قید ائدیب. او، داغلیق قاراباغدا قوندارما رژیم طرفیندن کئچیریلن «سئچکیلر»این آذربایجان اوچون اؤنمیندن بحث ائدیب:
"ایشغالدا اولان قاراباغدا دونن یئرلی مونیسیپال (شهر مئرلری) «سئچکیلری» کئچیریلیب. آذربایجان ایشغال اولونموش تورپاقلاردا کئچیریلهن بوتون سئچکیلری قانونسوز حساب ائدیر و نتیجهلرینی تانیمیر. لاکین دوشمن دوشرگهسینده گئدن پروسسلرین تحلیلی اوچون بو «سئچکیلر» ماراق کسب ائدیر. پاشینیان قاراباغی پوتنسیال عکس-اینقلاب مرکزی و دایاغی حساب ائتدییندن، «ارمنی اینقلابی»نین قاراباغی دا احاطه ائتمهسینی قارشیسینا مقصد قویوب. لاکین قاراباغ فورمال اولاراق، «تانینمامیش سوورن» ساییلدیغیندان، ارمنیستانین بورا رسمی تأثیر ریچاقلاری یوخدور. سئچکیلرده ارمنی اینقلابینا لویال نامیزدلرین قازاناجاغی حالدا، پاشینیان ۲۰۲۰-جی ایلده قاراباغدا کئچیریلهجک «پرزیدنت سئچکیلری»نه غیری-فورمال تأثیر مکانیزملری و اینضیباطی رسورس الده ائدجک».
اکسپئرت پاشینیانین بو سئچکیلردن سونرا قاراباغلا باغلی نظرده توتدوغو پلانلاردان دا بحث ائدیب:
«بعضی ارمنی و روسییالی اکسپئرتلرین فیکرینجه، پاشینیان قاراباغی اله آلماق ایستییر کی، داها سونرا آذربایجانی محاربهیه تحریک ائدیب، ارمنیلری «آقرسییا قوربانی» کیمی دونیایا تقدیم ائتمکله، اطراف رایونلاری آذربایجانا «اودوزوب»، داغلیق قاراباغی ارمنیستانا بیرلشدیرسین. «سئچکیلر»دن اول بئله بیر پلان بارهده شاییهلر یاییلمیشدی کی، قاراباغ رژیمی «سئچکیلر»ا تأثیر ائتسه و قاراباغ کلانینین نامیزدلری غالیب گلسه، پاشینیانا باغلی قوهلر قاراباغدا ثابتلیگی پوزاجاق و بوندان ایستیفاده ائدن پاشینیان "تهلوکهسیزلیگی و ثابتلیگی برپا ائتمک" بهانهسی ایله قاراباغا ارمنیستاندان اؤزونه صادق گوج ایستروکتورلاری قوهلرینی داخیل ائدجک».
بایرامین سؤزلرینه گؤره، قاراباغ کلانی سون «سئچکیلر»له باغلی گئری آددیم آتیب:
«حاضردا غالیب گلن نامیزدلرین «کیمین آدامی» اولماسی حاقدا ضدیتلی سؤز-صحبتلر گزدییندن، بو سوالا دقیق جواب یوخدور. آنجاق قاراباغین سئپاراتچی رژیمینین «سئچکیلر»ا تأثیر ائتمک اوچون اینضیباطی رسورسدان آچیق ایستیفاده ائتمهمهسی و ارمنیستانین سوروس فوندونا باغلی امیسارلارینین سئچکیلرده فعال مشاهیده میسسییاسی ایله «سئچکی پروسسی»نده جدی پوزونتولار «آشکار ائتمهمهسی» پاشینیانلا قارشیدورمانین بو مرحلهسینده قاراباغ کلانینین گئری آددیم آتماسینا ایشاره ائدیر».
تاریخ
2019.09.10 / 12:30
|
مولف
Axar.az
|