آنا صحیفه گوندم |
روسییا پرزیدنتی ولادیمیر پوتینین داها چئویک باش ناظره احتیاجی وار.
آخار. آذ خبر وئریر کی، بونو آنالیتیک الخان شاهین اوغلو قید ائدیب. او، روسییا حکومتینین تام ترکیبده ایستعفایا گئتمهسینین روسییانین باش ناظری دیمیتری مدودیئوین فعالیتی ایله باغلی اولدوغونو بیلدیریب:
«مدودیئو پوتینین گنجلیک دوستودور. آنجاق روسلارین مشهور آتالار سؤزلرینده دئییلدیی کیمی، دوستلوق آیری، ایش آیری. پوتینین پرزیدنتلیک مدتینین بیتمهسینه ۴ ایل قالیب. پوتین حاکمیتده اولدوغو ایللرده روسییانین داغیلماسینین قارشیسینی آلدی، چچنیستانی رام ائتدی، اؤلکهده سیاسی ثابتلیک یاراتدی، اوستگل بؤلگهده فعاللیغینی آرتیردی. آنجاق نه ائتدیسه، روسییادا اقتصادی اینکیشافا و اینسانلارین ریفاه حالینین یوکسلمهسینه نایل اولا بیلمهدی. مدودیئو باش ناظر کیمی ضعیف فیگور ایدی. اونا گؤره ده پوتین دمیتری مدودیئو باشدا اولماقلا حکومتی ایستعفایا گؤندردی. پوتینین داها چئویک باش ناظره احتیاجی وار».
قید ائدک کی، د. مدودیئو روسییا حکومتینین تام ترکیبده ایستعفایا گئدجیینی آچیقلاییب. روسییا پرزیدنتی فدرال ورگیلر خیدمتینین رهبری میخایل میشوستینه باش ناظر وظیفهسینی تکلیف ائدیب.
تاریخ
2020.01.15 / 23:16
|
مولف
Axar.az
|